УИХ-ын гишүүн Ж.Батзандан болон Л.Болд нараас "төрийн нууц задруулсан" хэргээр Тагнуулын ерөнхий газар мэдүүлэг авсан байна. Тодруулбал, энэ сарын 9-нд дээрх гишүүдээс мэдүүлэг авсан бөгөөд олон нийтэд мэдэгдэл хийх үеэрээ төрийн нууцтай холбоотой хэд хэдэн мэдээллийг задруулсан гэж үзэж буй бололтой.

Эх сурвалжийн өгүүлснээр Ж.Батзандан, Л.Болд нарыг төр нийгмийн зүтгэлтэн С.Зоригийн амь насыг хөнөөсөн хэргийн мөрдөн шалгахтай холбоотой хэргийн төрийн нууцад хамаарах хэсгийг задруулсан гэв.