Дуучин Б.Амархүүг өнгөрсөн есдүгээр сарын 19-20 шилжих шөнө мансууруулах төрлийн бодис хэрэглэж байхад нь үйлдэл дээр нь барьж саатуулж, ШШГЕГ-ын харьяа цагдан хорих 461 дүгээр ангид 30 хоногийн хугацаатай хорьсон юм. Тэгвэл нийслэлийн Прокурорын газраас түүнд холбогдох хэрэгт яллах дүгнэлт үйлдэж, Хан-Уул дүүргийн Эрүүгийн хэргийн шүүхэд шилжүүлсэн байна. Тодруулбал, дуучин Б.Амархүүд Эрүүгийн хуулийн тусгай ангийн 20.7.1-ээр яллах дүгнэлт үйлдэж, энэ сарын 15-нд буюу өчигдөр шүүхэд шилжүүлжээ. 

Эрүүгийн хуулийн тусгай ангийн 20.7.1-д Хориглосон мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгогүйгээр хууль бусаар бэлтгэсэн, хадгалсан, бусдад өгсөн бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ гэж заажээ.

Г.Нацаг