Энэ сарын 13-14-нд шилжих шөнө шөнийн ээлжинд ажиллаж байсан “Хүннү Эйр” ХХК-ийн ажилтан О.Мэргэншагай онгоцон дээрээс унаж хүнд гэмтэл авсан билээ. Тодруулбал, осол оройн 23.25 цагт болсон бөгөөд 23.42 цагт Түргэн тусламжийн тэргээр ГССҮТ-д хүргэгдсэн байна. Ослын тухай дуудлага мэдээллийг цагдаагийн байгууллагад огт мэдэгдээгүй гэж хохирогчийн талынхан цахим сүлжээнд байршуулаад буй. Тэгвэл уг хэргийг Хан-Уул дүүргийн цагдаагийн газраас прокурорын хяналт дор шалгаж байгаа аж. 

Өндрөөс унаж гэмтэл авсан  техникч О.Мэргэншагайн гавлын ясны цуурч, хугаран, тархины суурь яс цууралт өгсөн гэсэн онош гарсан аж. Энэ сарын 15-ны 07.00 цагийн үед тархины хагалгаанд орсон боловч биеийн байдал муу, дахин хагалгаанд орох шаардлагатай гэжээ.

Г.Алимаа