“Төрийн эрх мэдлийг хууль бусаар авах хуйвалдаан зохион байгуулах” гэмт хэргээр шалгагдаж байгаа НИТХ-ын төлөөлөгч Ц.Сандуй болон А.Ганбаатарын гэм буруугийн шүүх хурал маргааш буюу энэ сарын 22-ны 10.00 цагт товлогдсон байна.

Шүүх хурал Баянгол дүүргийн Эрүүгийн хэргийн анхан шатны шүүхэд болох бөгөөд  яллагдагч Ц.Сандуй, А.Ганбаатар нарт нийслэлийн Прокурорын газраас  2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар “Төрийн эрх мэдлийг хууль бусаар авах хуйвалдаан зохион байгуулах” гэмт хэрэгт яллах дүгнэлт үйлдсэн юм.

2002 оны Эрүүгийн хуулийн 82 дүгээр зүйл.Сонгуулийг будлиантуулж төрийн эрх мэдлийг хууль бусаар авах хуйвалдаан зохион байгуулах 

82.1.Төрийн эрх мэдлийг хууль бусаар авах зорилгоор сонгуулийг зохион байгуулалттайгаар будлиантуулсан бол 5-10 хүртэл хугацаагаар хорих ял шийтгэнэ гэж заажээ.