Тагнуул, цагдаагийн байгууллагаас БНХАУ-ын 800 гаруй иргэнийг саатуулаад байгаа билээ. Энэ талаар Тагнуулын ерөнхий газрын дарга Д.Гэрэл “800 хүнийг шууд хорих боломжгүй. Байршиж байгаа зочид буудалдаа байгаа. Нэр бүхий иргэнийг саатуулан шалгаж байгаа. Наймдугаар сараас хойш 20-30 гэсэн байдлаар жуулчны визээр цувж орж ирсэн байгаа. Жуулчны визээр орж ирээд хөдөлмөр эрхэлсэн тохиолдолд албадан гаргах эрхтэй. БНХАУ-ын Элчин сайдын яамнаас хамтарч ажиллахаа илэрхийлсэн” гэсэн бол Цагдаагийн ерөнхий газрын дарга С.Баатаржав  “Хэрэг шалгадаг хуультай учраас хуулийн хүрээнд мөрдөн шалгаж байгаа. бүх мэдээлэл ижил. Цагдаагийн үйл ажиллагаа тусдаа явахгүй. Манай байгууллагын Кибер гэмт хэрэгтэй тэмцэх хэлтэс ажиллаж байна.

Үүрэн холбооны зарим оператор компанийг шалгана. Зочид буудлуудад хариуцлага ярина. “Кентавр”, “Ориентал”, “Юнион бюлдинг”, “Амар” гэсэн зочид буудалд. Эдгээр иргэнийг нутаг буцаана. Цаашдаа хяналт шалгалт үргэлжилнэ. Нэмж илрүүлэх ажиллагааг явуулна. Мөрийтэй, бооцоот тоглоомын үйл ажиллагаа явуулах гэж орж ирсэн байж магадгүй гэж үзсэн. Аяллын визээр орж ирсэн" гэсэн тайлбарыг өглөө.

С.Сүлд