Нийслэлийн Засаг даргын зөвлөлийн уржигдрын /2019.11.07/ хуралдаанаар автозамын түгжрэлийг бууруулах талаарх гурван саналыг хэлэлцсэн байна. Тодруулбал, тээврийн хэрэгслийн улсын дугаарын хязгаарлалтыг долоо хоногт хоёр удаа болгох, ажлын өдрийн өглөө, оройны оргил цагаар ачаа тээврийн машиныг явуулахгүй байх, дугаарын хязгаарлалтын бүсчлэлийг тэлэх талаар ярилцсан байна.
Эцэст нь дугаарын хязгаарлалтыг долоо хоногт хоёр удаа болгох, ажлын өглөө, орой тээврийн машиныг явуулахгүй байх гэсэн хоёр санал нь дэмжигджээ.
Тус саналыг Нийслэлийн иргэдийн төлөөлөгчдийн хурлаар өргөн барьж хэлэлцүүлэх юм. Хэрвээ НИТХ-ээр дэмжвэл уг журам мөрдөгдөх аж.
Энэ тохиолдолд:
Даваа гаригт 1, 6, 3, 8
Мягмар гаригт 2, 7, 4, 9
Лхагва гаригт 3, 8, 5, 0
Пүрэв гаригт 4, 9, 1, 6
Баасан гаригт 5, 0, 2, 7 -оор төгссөн дугаартай машиныг замын хөдөлгөөнд оролцуулахгүй байхаар саналдаа тусгажээ.
Сэтгэгдэл (25)