Сонгинохайрхан дүүргийн нутаг дэвсгэр 29 дүгээр хорооны нутаг дэвсгэрт хууль бусаар үйл ажиллагаа явуулж байсан цахим тоглоомын газрыг өнөөдөр хаалаа. Тодруулбал, тус тоглоомын газарт цагдаагийн алба хаагчид шалгалт хийсэн бөгөөд энэ үеэр тоглоомын газрыг ажиллуулж байсан этгээд болон үйлчлүүлж байсан 25-45 насны 18 иргэнийг саатуулсан байна.
Мөрийтэй тоглоомын газар зохион байгуулсан тохиолдолд Зөрчлийн тухай хуулийн 5.7-д зааснаар хариуцлага тооцох ёстой. Дээрх тоглоомын газарт өмнө нь арваннэгдүгээр сарын эхээр Эрүүгийн цагдаагийн газраас гэнэтийн шалгалт хийхэд мөрийтэй тоглоомын газар ажиллуулсан, зохион байгуулсан зөрчил илэрч байсан юм. Тиймээс үйл ажиллагааг нь зогсоож, хуулийн дагуу арга хэмжээ аваад байсан. Гэвч дахин зөрчил гаргасан болох нь дээрх шалгалтаар тогтоогдсон байна.
Хууль бусаар мөрийтэй тоглоомын газар ажиллуулахад ашигласан тоног төхөөрөмжийг прокурорын зөвшөөрлийн дагуу устгалд оруулах боломжтой байдаг. Тэгвэл уг арга хэмжээг авахуулахаар прокурорт хүсэлт гаргахаар болсон байна.
Г.Алимаа
Сэтгэгдэл (10)