Төрийн банкны захирлаар ажиллаж байсан Д.Баярсайхан нь БНХАУ-ын “Шинжан Шинфан” компанид 20 тэрбум төгрөгийн зээл олгосон гэх хэрэгт холбогдож, яллагдагчаар татагдсан билээ. Түүнд холбогдох хэргийн шүүх хурал Чингэлтэй дүүргийн Эрүүгийн хэргийн анхан шатны шүүхэд 2019 оны 11 дүгээр сарын 28-ны өдөр зарлагдаж, шүүх хурал дөрвөн өдөр үргэлжилсэн юм. Улмаар шүүгдэгч нарыг гэм буруутайд тооцон Эрүүгийн хариуцлага хүлээлгэх шүүх хуралдааны өмнө шүүгдэгчийн өмгөөлөгчийн зүгээс хохирол барагдуулах тав хоногийн завсарлага авах хүсэлт гаргасан байна.

Шүүх уг саналыг үндэслэн шүүх хуралдааныг энэ сарын 9-ний өдрийн 10.00 цаг хүртэл хойшлуулжээ.