Монгол Улсаас Францад суух Онц бөгөөд Бүрэн эрхтэл Элчин сайд А.Баттөрийг энэ сарын 13-нд буюу өчигдөр орой Сүхбаатар дүүргийн Эрүүгийн хэргийн анхан шатны шүүхийн захирамжаар Урьдчилсан хорих 461 дүгээр ангид 30 хоног цагдан хорьжээ. 

Түүний оффшор бүсэд мөнгө угаасан гэх хэргээр АТГ-аас шалгаж эхэлсэн бөгөөд эхний ээлжинд хилийн хориг тавиад байсан юм. Тэгвэл прокурор, АТГ-аас түүнийг 30 хоног цагдан хорих шаардлагатай гэсэн хүсэлт тавьсныг шүүх ийнхүү хүлээж авсан байна. 

Мөрдөн шалгалтын явцад визний хураамжийн мөнгийг гэр бүлийнхээ гишүүдээрээ дамжуулан усан үзмийн талбайтай тансаг байр худалдан авч мөнгө угаасан байж болзошгүй нөхцөл байдал илрээд байгаа юм.

Энэ талаар АТГ-аас өмнө нь “Оффшор бүсэд мөнгө угаасан гэх Элчин сайдыг АТГ-ын мөрдөгч нар илрүүлэн шалгаж байна. Энэ нь ямар нэг гомдол, мэдээллийн мөрөөр хийж буй ажил биш. Цэвэр ажиллагааны илрүүлэг гэсэн үг. Улаанбаатарт болсон Элчин сайдуудын цугларалтад ирээд байхад нь шалгаж эхэлсэн. Одоогоор түүнд хилийн хориг тавьсан” хэмээн мэдэгдсэн байдаг.

Тэрбээр Ерөнхийлөгч асан Ц.Элбэгдоржийн Аюулгүй байдал, гадаад бодлогын зөвлөхөөр ажиллаж байсан, өдгөө Монголоос Франц Улсад суух Элчин сайдаар ажиллаж буй. 

Үүнээс өмнө нь 

• Монгол Улсаас БЕНЕЛЮКС-ийн орнууд, Европын Хамтын нийгэмлэгт суугаа Онц бөгөөд Бүрэн Эрхт Элчин сайд 2008 оны 5 дугаар сараас хойш
• Терравокс/Terravox компани Хамтарсан дарга, хувь нийлүүлэгч 2006 оны 2 дугаар сар – 2008
• Монгол Улсын Гадаад хэргийн дэд сайд 2004 оны 11 дүгээр сар –  2006 оны 2 дугаар сар
• Infrastructure Consulting Co Ltd Зөвлөх, хувь нийлүүлэгч 2000 оны 7 дугаар сар – 2004 оны 11 дүгээр сар
• Монгол Улсын Боловсрол, Соёл, Шинжлэх ухаан, технологийн сайд 1998 оны 12 дугаар сар – 2000 оны 7 дугаар сар
• Төрийн захиргааны удирдлагын газрын захирал Монгол Улсын Гадаад хэргийн яам 1996 оны 8 дугаар сар – 1998 оны 12 дугаар сар
• ЮНЕСКО Байнгын төлөөлөгчийн газарт дипломат ажилтан Парис, БНФУ 1992 оны 6 дугаар сар – 1996 оны 8 дугаар сар
• Соёлын атташе Монгол Улсын Элчин сайдын яам Парис, БНФУ 1992 оны 6 дугаар сар – 1996 оны 7 дугаар сар
• Монгол Улсын Гадаад хэргийн яам Атташе 1989 оны 6 дугаар сар – 1992 оны 6 дугаар сар

Гадаад хэл эзэмшсэн байдал: Англи, орос,

Москвагийн Олон улсын харилцааны дээд сургууль, Шинэ Зеландад Викторийн их сургууль, Бельгийн Вант улсад Европын стратеги, Олон улсын харилцааны төвийг төгссөн нэгэн юм.

Г.Нацаг