ОХУ-ын иргэний их хэмжээний мөнгийг нэр бүхий этгээдүүд дээрэмдсэн хэргийг тагнуулын байгууллагын ажилтнууд үйлдсэн гэх мэдээлэл гараад буй.

Энэ талаар холбогдох албанаас тодруулахад ОХУ-ын иргэн “Г”, Монгол Улсын иргэн “М” нарыг 2020 оны нэгдүгээр сарын 13-ны өдөр үл таних дөрвөн хүн хүч хэрэглэн 50 мянган ам.доллар, 2500 еврог дээрэмдсэн мэдээллийн дагуу Эрүүгийн цагдаагийн албанаас мөрдөн шалгах ажиллагаа явуулсан. Шалгалтын явцад Монгол Улсын иргэн 1984-1992 онд төрсөн Н, Д, М, Б нарын дөрвөн иргэн уг гэмт хэргийг үйлдсэн байж болзошгүй нөхцөл байдал тогтоогдсон" гэв. 

     Албаны мэдээллээр дээрх гэмт этгээдүүд ТЕГ-т ажилладаг тул Цагдаагийн ерөнхий газар, Тагнуулын ерөнхий газартай хамтран энэ сарын 23-24-нд шилжих шөнө дайчлан баривчилж саатуулсан байна. Одоогоор гэмт этгээдүүдийг Урьдчилан хорих 461 дүгээр ангид 48 цагийн хугацаатай цагдан хорьж, шалгалтын ажлыг Цагдаа, Тагнуулын байгууллага хамтарч мөрдөж байгаа аж.

Харин дээрмийн гэмт хэрэг үйлдэгдэх үед галт зэвсэг хэрэглэсэн гэдэг нь ташаа мэдээлэл гэлээ.

Г.Маргад