МХЕГ-аас сүм, хийдүүдэд хяналт шалгалт хийсэн талаар мэдээллээ. Тодруулбал, "Нийслэлийн Засаг даргын захирамжаар сүм хийдэд иргэд олноор цуглахыг энэ сарын 30-ныг хүртэл хориглож, давхардсан тоогоор улсын хэмжээнд 660 сүм, хийдийн удирдлагад зөвлөж хүргүүлсэн байна. Нийслэлийн хэмжээнд шашны 15 урсгалын 321 байгууллага байдаг гэсэн тоог НИТХ-аас өгсөн гэдгийг энэ үеэр мэдээллээ. 

Мөн "Хяналт шалгалтын үеэр нийслэлд үйл ажиллагаа явуулах бүртгэлтэй шашны байгууллагуудад нарийвчилсан судалгаа хийлээ. 

Шалгалтаар 321 гэсэн тоо нэмэгдсэн. Өөрөөр хэлбэл, будда 89, христ 260, морман 2, шинтон 2, батист 2, слам 2 гэх мэт нийт 15 урсгалын нийт 396 сүм, хийд үйл ажиллагаа явуулдаг юм байна. 

Сүм, хийдэд тухайн аймаг, дүүргээс зөвшөөрөл олгодог хуулийн зохицуулалттай. НИТХ-аас 103 сүм хийд зөвшөөрөлгүй үйл ажиллагаа явуулдаг гэсэн мэдээлэл өгсөн. Бидний шалгалтаар дахиад 46 сүм, хийд зөвшөөрөлгүй үйл ажиллагаа явуулж байгаа нь ил боллоо. Ингээд тооцвол нийслэлд 149 сүм хийд зөвшөөрөлгүй үйл ажиллагаа явуулдаг юм байна.

Үүнээс гадна НИТХ-д бүртгүүлж, зөвшөөрөл авсан ч салбар сүм байгуулсан 9 зөрчил илэрсэн. 

Хан-Уул дүүрэг дэх Ватиканы төлөөлөгчийн газрын харьяа ахмадын асрамж халамжийн газар байдаг. Энэ газар сүм хийдийн үйл ажиллагаа явуулах зөвшөөрөл авсан. Гэсэн ч эмзэг бүлгийн, асран хамгаалагчгүй, хөгжлийн бэрхшээлтэй 22 иргэнийг байрлуулж, асрамж халамжийн үйл ажиллагаа явуулж байсан. Тиймээс зөвшөөрөл авах мэдэгдэл хүргүүлсэн. 

Зарим сүм, хийд хаяг байршлаа өөрчилсөн зэрэг зөрчил илэрсэн. Тиймээс НИТХ-д хэд хэдэн санал хүргүүлсэн. Сүм, хийдийн бүртгэл, үйл ажиллагааг нь тодорхой болгомоор байна. НИТХ зөвшөөрөл олгож, хяналт тавьдаг. Мөн дүүрэг зөвшөөрөл олгодог. Тэгвэл чиг үүргийнхээ дагуу ажлаа хиймээр байна. 

Төр, сүмийн харилцааны тухай хуульд тодорхой өөрчлөлт оруулахгүй бол асуудал үүсэх нөхцөл байдал үүссэн байна" гэлээ. 

Г.Маргад