Э.Бат-Үүл нарт холбогдох эрүүгийн хэргийн урьдчилсан хэлэлцүүлгийн шүүх хуралдаан Чингэлтэй дүүргийн Эрүүгийн хэргийн анхан шатны шүүхэд өнөөдөр 10.00 цагт эхэлсэн.

Гэвч шүүгдэгч Э.Бат-Үүл, Б.Чулуудай нарын өмгөөлөгч Г.Орхон “... миний бие ХӨСҮТ-с өгсөн зааварчилгааны дагуу 2020 оны 03 дугаар сарын 10-наас эхлэн 24-нийг хүртэл гэрийн хөл хорионд байх үүрэгтэй болсон. Иймд шүүх хуралдааныг хойшлуулж өгнө үү” гэсэн хүсэлтийг шүүх хуралд ирүүлсэн байна.

Шүүх уг хүсэлтийг хүлээн авч Э.Бат-Үүл нарт холбогдох шүүх хуралдааныг ирэх сарын 8-ны өдрийн 10.00 цаг хүртэл хойшлууллаа гэдгийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газраас мэдээллээ.

Г.Маргад