Өмнөговь аймагт гадаад иргэдэд газар олгосон асуудлаар АТГ-аас мэдээлэл өгч байна. Энэ үеэр АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн дараах мэдээллийг өглөө. 

Тэрбээр "Өмнөговь аймгийн ИТХ-ын даргаар ажиллаж байсан Б, Ханбогд сумын засаг даргаар ажилаж байсан Э нарт холбогдох хэргийн мөрдөн шалгах ажиллагаа дуусаж, есдүгээр сарын 23-ны өдөр шүүхэд шилжүүлэх саналтайгаар Прокурорын байгуулагт шилжүүлсэн. Өмнөговь аймгийн ИТХ-ын даргаар ажиллаж байсан Б нь газар эзэмшүүлэхдээ дуудлага худалдаа, төсөл шалгаруулах зармаар шийдвэрлэнэ гэсэн зохицуулалтыг зөрчиж, өөртөө болон бусдад давуу байдал олгох зорилгоор эрх мэдлээ урвуулан ашигласан.

Өмнөговь аймгийн Ханбогд сумын засаг даргаар ажиллаж байсан Э гэгч нь 2020 оны захирамжаар Цагаан хад нэртэй нэгж талбарын 13.6 га, 15.5 га, 13 га газрыг хууль бусаар өөр өөр компанид эзэмшүүлсэн. Ханбогд сумын нутаг дэвсгэрт 18 га газрыг хууль бусаар эзэмшүүлсэн байж болзошгүй гэх. 

Мөн Ханбогд сумын засаг даргаар ажиллаж байсан Н гэгч нь 2022 оны захирамжаар 20 га газрыг 15 жилийн хугацаатай гаалийн хяналтын талбайн зориулалтаар эзэмшүүлсэн байна. "Азхур трэвел" компанид мөн 10 га газрыг хууль бусаар эзэмшүүлсэн байж болзошгүй гэх хэргийн мөрдөн шалгах ажиллагаа дуусаад Прокурорын байгуулаг шилжүүлсэн. 

Ерөнхийлөгчийн чиглэлийн хүрээнд хэрэг бүртгэлийн хэрэг нээгээд дурдагдаж буй асуудлыг шалгаад эхэлсэн" гэв. 

Д.Батчулуун