ПСЖ-тэй байгуулсан гэрээний хугацаа нь дуусч байгаа Францын шигшээ багийн од Килиан Мбаппе удахгүй Реал Мадрид руу шилжиж, түүнийг Бернабеутэй холбосон олон жилийн таамаглалд цэг хатгаж магадгүй байна. 

"Foot Mercato"-ийн мэдээлснээр, Мбаппе болон Реал Мадридын хооронд байгуулсан шинэ гэрээний нөхцөлд оны эхний өдрөөс эхлэн түүнд бусад клубуудыг судлах боломжийг олгосон байна. Хэдийгээр Реал Мадрид түүнд 2022 онд илүү ашигтай санал тавьж байсан ч одоогийн байгуулах гэрээний санхүүгийн нөхцөл арай бага байгаа гэнэ. 

Реал Мадрид 25 настай Мбаппег олон жилийн турш гол солилцооны зорилго болгон харж байсан бөгөөд зун болгон түүнийг хөөцөлддөг болсон. Гэсэн хэдий ч санхүүгийн бэрхшээл, ялангуяа Карим Бензема өнгөрсөн зун Саудын Араб руу явсны дараа Мбаппег авах алхамд саад учир гэж хэлж болно. 

Гэрээгээ сунгахаас татгалзсаны дараа Мбаппег багийн дасгалжуулагч Луис Энрике хүчин чармайлт гаргаж, түүнийг Парист үлдэхийг ятгах зорилготой байв. Эдгээр хүчин чармайлтыг үл харгалзан ПСЖ од тоглогчоо зарж чадалгүйгээр алдах бололтой.

Энэхүү мэдээллүүдээс харахад Мадрид топ тоглогчийг Англид татахаар өрсөлдөж буй Премьер лигийн клубүүдэд саад хийлээ. Мбаппе энэ улиралд ПСЖ-ий төлөө 24 тоглолтод 25 гоол оруулж, саяхан Францын цомын тэмцээнд хет-трик хийсэн нь түүний төлөөх өрсөлдөөнийг улам хурцатгасан юм.

Жилийн дотор Неймар, Лионель Месси нарыг алдсаны дараа нэмж Мбаппег явуулах нь ПСЖ-д ихээхэн алдагдал болох нь мэдээж. Түүнийг 2017 онд Монакогоос ПСЖ руу шилжүүлсэн анхны үнэ нь 160 сая фунт стерлинг байсан.

Реал Мадридад элссэнээр Мбаппе Жуде Беллингхэм, Винисиус Жунисиус зэрэг авьяаслаг тоглогчидтой нэгдэж, Карло Анчелоттигийн довтолгооны шугамыг тэргүүлнэ гэсэн үг. Энэ алхам нь Мбаппегийн хувьд шинэ түүх байж, Реал Мадридын хөлбөмбөгийн оддын галактикт бас нэгэн гайхалтай хуудас эргүүлэх алхам болно. 

Л.Сайнаа