Цагдаагийн байгууллагаас мэдээлэл өглөө.

Тэрбээр "Чингэлтэй дүүргийн Тасганы овоо орчимд 16 цаг 50 минутын орчимд үүрэг гүйцэтгэж ажиллаж байсан байна. Тухайн үед хөдөлгөөний нягтрал их байсан учраас албан хаагч хяналт тавьж ажиллаж байх явцад Toyota harrier маркийн тээврийн хэрэгсэл үргэлжилсэн цагаан шугамыг давж эргэх үед алба хаагч очиж шаардлага тавьсан байна. Тухайн тээврийн хэрэгслийн жолооч Г нь алба хаагчийн шаардлагыг үл биелүүлж, мөргөөд зугтаасан нь тогтоогдсон. 

Жолоочийг эрэн сурвалжлах ажиллагаагаар Сүхбаатар дүүргийн 14 дүгээр хорооны нутаг дэвсгэрт байрлах зочид буудалд байхад нь олж тогтоосон. Согтуурлын зэргийг тогтооход 2.96 хувь гэж гарсан. Тээврийн хэрэгслийг Баянзүрх дүүргийн нутаг дэвсгэр Дарь-Эх орчимд байрлах орон сууцны хорооллын дунд үлдээсэн байсныг тогтоож, саатуулах хашаанд оруулсан. 

Алба хаагчийн хувьд эмнэлгийн байгууллагын тусламж авсан. Одоогоор биед учирсан хохирлыг тогтоохоор ажиллаж байна.

Дээрх хэргийг Эрүүгийн хуулийн  23.1 дэх хэсэгт зааснаар шалгатын ажиллагааг үргэлжлүүлж байна" гэлээ.