БАРИМТ 1

Оюунбааатрын Мөнх-Эрдэнэ нь Архангай аймгийн Хайрхан суманд 1995 оны гуравдугаар сарын 25-нд төрсөн.

БАРИМТ 2

Тулгар төрийн 2229, Их Монгол Улс байгуулагдсаны 814, Ардын Хувьсгалын 99 жилийн ойн баяр наадамд улсын цолтны босго давж Монгол Улсын начин цолны болзол хангасан. 

БАРИМТ 3

Начин цол хүртсэн 2020 оны наадамд  хамгийн залуу начны болзол хангасан бөх болж Монголын Залуучуудын холбооны нэрэмжит шагнал болох хурдан удмын дааганы эзэн болж байсан. Тэрбээр начин болох жилдээ 195 см өндөр, 130 кг жинтэй байв.

БАРИМТ 4

Тэрбээр "Бөхбилэгт" дэвжээ, "Алдар" спорт хороо, Молор Трейд ХХК, Вайт Лэйк ХХК, Нэгдэл клуб,  ЗХ-034 анги харъяалагдан бэлтгэл сургуулилтаа базааж байна.

БАРИМТ 5

О.Мөнх-Эрдэнэ 2011 оноос чөлөөт бөх, 2012 оноос үндэсний бөхөөр хичээллэж эхэлжээ. Аав ээжийнхээ хоёр талаас бөхийн удамтай. Түүний үлгэр дуурайл авдаг бөх нь  дархан аварга Г.Өсөхбаяр аж.

БАРИМТ 6

Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110,111, Ардын хувьсгалын 100, 101 жилийн ой Үндэсний их баяр наадмын хүчит бөхийн барилдааны зургаагийн даваанд улсын начин Б.Түмэндэмбэрэлээр зургаа давж улсын харцага цол хүртсэн.

Увс аймгийн Сагил сумын түүхт 100 жилийн ойд зориулсан, Монгол Улсын начин Б.Насандэлгэрийн нэрэмжит улс, аймаг, цэргийн цолтой хүчит 128 бөхийн барилдаанд түрүүлсэн Архангай аймгийн "Аралтай" харцага О.Мөнх-Эрдэнийн онцлох 6 баримтыг уншигч та бүхэндээ хүргэж байна.