ЭШЛЭЛ 1
Өнөөдөр миний бие болон хамтарсан Засгийн газар бүрэн эрхээ хэрэгжүүлэх боломжгүй боллоо.
ЭШЛЭЛ 2
Эх орон ард түмэндээ зүтгэх нэр төртэй үүргийг хүлээж, цар тахал, дайн, тариф зэрэг олон улсын ээдрээтэй үед ард түмнийхээ төлөө үйлчилсэн нь миний хувьд нэр төрийн хэрэг байлаа.
ЭШЛЭЛ 3
Намайг дэмжиж итгэл хүлээлгэж ирсэн МАН-ын журмын нөхдөдөө талархаж байна.100 жилийн түүхтэй улс төрийн ууган хүчин нэгэн зуунаас шинэ зуунд намынхаа мянга мянган гишүүд дэмжигчдын хамт ялалтаар түүчээлсэн нь миний амьдралын бахархалт түүх болон үлдэх болно.
ЭШЛЭЛ 4
Засгийн газрын үйл ажиллагааг дэмжиж ажилласан Ерөнхийлөгч У.Хүрэлсүх, УИХ-ын дарга Д.Амарбаясгалан нарт талархал илэхийлье. Мөн УИХ-ын эрхэм гишүүдэд талархал илэрхийлж байна.
ЭШЛЭЛ 5
Салбар бүрийн төлөөлөл 126 гишүүн бүхий холимог тогтолцоотой парламентийг бүрдүүлэх, мөн хамтарсан Засгийн газрыг байгуулж олон жил гацсан төслүүдийг урагшлуулахад улс төрийн манлайлал үзүүлж хамтран ажилласан Ардчилсан намын гишүүд, Ардчилсан намын дарга Л.Ган-Төмөр, ХҮН намын дарга Т.Доржханд, Засгийн газрын гишүүд, УИХ-ын гишүүд, удирдлагуудад чин сэтгэлийн талархал илэрхийлье.
ЭШЛЭЛ 6
Дараагийн Монгол Улсын Ерөнхий сайдын үйл хэрэгт өрнүүн их амжилт хүсье. Дараагийн Ерөнхий сайдын амжилт бол монголчууд бидний хамтын амжилт учраас бүх талаар нь дэмжиж хамтран ажиллах болно.
ЭШЛЭЛ 7
Намайг дэмжсээр ирсэн ард түмэндээ чин сэтгэлээсээ баярлалаа, ил тод нээлттэй нийгмийн төлөө үзэл бодлоо илэрхийлсэн, ардчилсан нийгмийн ирээдүй болсон залуустаа талархаж байна.
ЭШЛЭЛ 8
Надад итгэж, үзэл санаа нэгдэн хамт байгаа эрхэм гишүүддээ баярлалаа. Өнөөдөр ордонд хүч мөхөстөж байгаа ч олон нийтийн хүсэл эрмэлзэл огт өөр байгааг би мэднэ.
ЭШЛЭЛ 9
Үзэл санаа, үнэт зүйл хэзээ ч ялагддаггүй.
ЭШЛЭЛ 10
Аалзны тор мэт сүлжилдсэн ашиг сонирхлын сүлжээ ард түмнийг дийлнэ гэж хэзээ ч байхгүй. Мөнх хөх тэнгэрийн дор ардчилсан засаглалын парламент мөнхөд орших болтугай.
Сэтгэгдэл (12)