ЭШЛЭЛ 1
Хамтарсан засаг татварын багц хуульд нилээдгүй том тогтолцооны шинэчлэл хийхээр зорьж ирсэн. 2019 онд татварын хуульд өөрчлөлт орсон байдаг. Харин энэ удаа дахин өөрчлөлт орох гэж байгаа нь ойрхон өөрчлөлт орж буй явдал.
ЭШЛЭЛ 2
Татварын хуульд хийх шинэчлэлтэй холбогдуулж иргэн, аж ахуй нэгжүүдээс 176 мянган дөвхардсан саналууд ирсэн. Эдгээр саналуудаас нэлээд нь хуулийн төсөлд тусгагдсан. Нийт 14 мянган татвар төлөгчдийг хамруулсан.
ЭШЛЭЛ 3
НӨАТ-ын хуультай холбогдуулж, бүх иргэдийн сарын 500 мянган төгрөг хүртэлх худалдан авалтыг 100 хувь, 800 мянган төгрөг хүртэлх худалдан авалтыг 50 хувь, 800 мянгаас дээших худалдан авалтыг 20 хувиар НӨАТ-аас хөнгөлөх зохицуулалтыг төсөлд тусгалаа.
ЭШЛЭЛ 4
500 мянган төгрөг хүртэлх худалдан авалт НӨАТ -аас бүрэн чөлөөлөгдөхөөр НӨАТ уншуулж худалдан авалт хийж байгаа иргэний 51 хувь нь НӨАТ төлөхгүй гэсэн үг. Харин 20 хувь нь 50 хувийн буцаан авалт хийнэ. Үлдсэн 27 орчим хувь нь хуучнаараа НӨАТ төлнө.
ЭШЛЭЛ 5
Шаталсан НӨАТ -ын систем рүү шилжсэнээр бүртгэлийн хувьд сайжирна. Таван ам бүлтэй өрх 2.5 сая төгрөгийн худалдан авалт хийдэг байлаа гэхэд ам бүлийнх нь тоон дээр худалдан авалтыг хуваан тавихад тэр өрх НӨАТ -аас бүрэн чөлөөлөгдөнө.
ЭШЛЭЛ 6
Хөдөлмөр эрхэлж байгаа бүх иргэний сарын 800 мянган төгрөг хүртэлх орлого нь 100 хувь хөнгөлөгдөнө. 800 мянган төгрөг гэдэг бол цалингийн системээр НӨАТ төлж байгаа бүртгэлтэй нийт иргэдийн 45 хувь нь татвараас бүрэн чөлөөлөгдөнө. Өөрөөр хэлбэл, нэг сая төгрөгийн цалинтай хүн 800 мянган төгрөг дээрээ татвар төлөхгүй, 200 мянга дээрээ татвар төлнө.
ЭШЛЭЛ 7
Бүх нийтээрээ тэгш шударга татвар төлөх эрх зүйн орчин бүрдүүлэх хүрээнд үйл ажиллагааны орлогыг шатлалд хамрагдуулах, хялбаршуулсан горимоор тайлагнах босго дүнг 400 сая төгрөг болгож, үйл ажиллагааны орлоготой иргэдэд татварын хөнгөлөлт эдлүүлнэ.
ЭШЛЭЛ 8
Улаанбаатар хотоос орон нутагт шилжин суух, иргэдийн амьдрах таатай орчныг бүрдүүлэх, эрчим хүчний хэмнэлттэй ногоон барилгыг нэмэгдүүлэхэд 15 сая төгрөг хүртэлх татварын хөнгөлөлт хамрагдана.
ЭШЛЭЛ 9
Татвар төлөгчийн татвар төлөх, тайлагнах үйл ажиллагааг хялбаршуулах, үүсэж болзошгүй татварын эрсдэлээс урьдчилан сэргийлэх зорилгоор татварын албанаас тайлангийн төслийг урьдчилан хүргүүлдэг болно.
ЭШЛЭЛ 10
Гадаад улсаас Монгол Улсад оршин суугч этгээдэд цахимаар үзүүлж буй үйлчилгээнд НӨАТ -ыг ногдуулж, тэдгээрийг суутган төлөгчөөр бүртгүүлнэ.
Сэтгэгдэл (16)