БАРИМТ 1
2025 оны дөрөвдүгээр сарын байдлаар тэтгэврийн зээлтэй 281,02 мянган зээлдэгчийн 1 их наяд 847,2 тэрбум төгрөгийн зээл нь нийт хэрэглээний зээлийн 15 хувийг бүрдүүлж байна.
БАРИМТ 2
Нэг зээлдэгч дунджаар 6,5 сая төгрөгийн зээлийн үлдэгдэлтэй байна.
БАРИМТ 3
Монгол банкнаас тэтгэврийн зээлийн хурдтай өсөлтийг авч үзэн энэ онд дараах хоёр шийдвэрийг гаргасан. Тухайлбал, гуравдугаар сард тэтгэвэр, тэтгэмжийн орлого барьцаалсан зээлийн хувьд зээлийн сарын төлбөрөө төлсний дараах зээлдэгчийн үлдэх орлого нь хүн амын амжиргааны доод түвшнээс доошгүй байхаар тогтоосон.
БАРИМТ 4
Үүний дараа өр орлогын хувьцааны дээд хэмжээг 50 хувь байхаар тогтоосон. Өөрөөр хэлбэл, тэтгэврийн зээлдэгч тэтгэврийнхээ 50 хувийг гар дээрээ үлдээнэ гэсэн үг юм.
БАРИМТ 5
Монголбанк зөвхөн тэтгэврийн зээлд онцгойлон ач холбогдол өгч шийдвэр гаргаагүй. Хэрэглээний зээл инфляцыг өдөөх хүчин зүйл болж байна. Иймд тодорхой хэмжээний зохицуулалт, хязгаарлалт шаардлагатай гэж үзээд авсан арга хэмжээ.
БАРИМТ 6
Тэтгэврийн зээл бол хэрэглээний зээл. Тухайлбал, нийт хэрэглээний зээлийн 15 орчим хувийг бүрдүүлж байгаа. Тиймээс өөр шалгуур тавих үндэслэл байхгүй.
БАРИМТ 7
Тэтгэврийн чанаргүй зээлийн хувь хэмжээ харьцангүй бага. 2025 оны дөрөвдүгээр сарын байдлаар нэг хувиас бага байгаа.
БАРИМТ 8
Харин сүүлийн жилүүдэд өсөлтийн хувь нь 100 хувиас дээш байна. Энэ нь тодорхой хэмжээний эрсдлийг үүсгэж байгаа юм.
БАРИМТ 9
Цаашид чанаргүй зээлийн хэмжээ өсвөл санхүүгийн байгууллага, банкинд эрсдэл үүсгэхээр нөхцөл байдалтай байна.
БАРИМТ 10
Монгол Улсад таван банк тэтгэврийн зээлийг олгож байгаа. Банк бүр дээр харьцангуй өөр нөхцөлтэй байгаа.
Сэтгэгдэл (9)