БАРИМТ 1
Монгол Улсын 2026 оны төсвийн төсөлд нийтдээ 178.665 иргэн саналаа өгчээ.
БАРИМТ 2
Санал өгсөн иргэдийн 99.08 хувь нь E-Mongolia цахим системээр, 0.20 хувь нь 11-11 төвөөр, 0.72 хувь нь танхимын хэлэлцүүлэгээр саналаа өгсөн байна.
БАРИМТ 3
Санал өгсөн иргэдийн 49.87 хувь буюу 93.755 нь 18-34 насныхан бол 45.68 хувь буюу 85.893 нь 35-54 насныхан эзэлжээ.
БАРИМТ 4
Харин бүсээр нь аваад үзвэл, Улаанбаатараас 115 мянган хүн өгчээ. Төвийн бүсээс 14 мянган хүн, Баруун бүс, хойд бүсээс 13 мянган хүн, Хангайн бүсээс 10 мянган хүн, говийн бүсээс 11 мянган хүн, зүүн бүсээс 9 мянган хүн саналаа өгчээ.
БАРИМТ 5
Хүйсийн хувьд 55,5 хувь буюу 104 мянга нь эмэгтэй, 44,5 хувь буюу 83 мянга нь эрэгтэй хүн байна.
БАРИМТ 6
Саналаа өгсөн иргэдийн олонх нь ирэх онд эрүүл мэнд, боловсролын салбарт улсын төсвийг түлхүү зарцуулах, төрийн захиргааны зардлыг бууруулах, нийгмийн халамжийн салбарт хэмнэлт хийх шаардлагатай гэж үзсэн байна.
БАРИМТ 7
Харин нийгмийн халамж, соёл урлаг аялал жуулчлал, зам барилга, хууль зүйн салбарын төсөвт хэмнэлт хийх шаардлагатай гэж үзжээ.
БАРИМТ 8
Төсвийн үр ашгийг сайжруулах хүрээнд төрийн захиргааны зардал бууруулах, ТӨК-ын зардлыг бууруулах, халамжийн зардлыг танах, төрийн албан хаагчдын орон тоог хязгаарлах шаардлагатай гэж үзсэн аж.
БАРИМТ 9
Мөн 2026 онд соёлын төв, дотуур байр, сургууль, инженерийн дэд бүтэц зэрэг хөрөнгө оруулалтыг шинээр эхлүүлэхгүй, тэвчиж болно гэж санал өгчээ.
БАРИМТ 10
Иргэдээс хамгийн их ирсэн саналуудын авч үзвэл, цалин нэмэгдүүлэх, эрүүл мэндийн үйлчилгээ, боловсролын салбарын хүртээмжийг нэмэгдүүлэх төсвийн үр ашгийг дээшлүүлэх зэрэг саналууд иржээ.
Сэтгэгдэл (1)