БАРИМТ 1
Уг баг нь тэртээ 2013 онд "Dota 2" төрөлд хүч үзэхээр үүсгэн байгуулагдаж байсан түүхтэй. Улмаар 2015 оноос "Counter Strike 2" төрлөөр өргөжин тэлж, өдгөө Монгол Улсдаа төдийгүй олон улсад хүлээн зөвшөөрөгдсөн цахим спортын баг болжээ.
БАРИМТ 2
The Mongolz багийн бурэлдэхуунд Б.Гарьдмагнай "bLitz", М.Содбаяр "Techno4K", Б.Өсөхбаяр "910", Б.Аюуш "mzinho", М.Азбаяр "Senzu" гэсэн тамирчдаас гадна дасгалжуулагч Б.Эрдэнэдалай буюу maaRaa багтаж байна.
БАРИМТ 3
Багийн гишүүн bLitz, "Techno4k" нарын хувьд багийг анх босголцсон, туршлагатай тамирчдын нэг бол "Mzinho" ахынхаа орон зайг нөхөж, харин "910" хуучин, туршлагатай тамирчны халааг аван орж ирсэн. Тэдний араас "Senzu" багт нэгдэж одоогийн "MongolZ" баг бүрэлдсэн юм.
БАРИМТ 4
The Mongolz баг хуучин бүрэлдэхүүнээрээ 2016 онд "ЕМ Таїреі"-д аваргалсан нь тэдний анхны ялалтуудын нэг байлаа. Улмаар олон усын тавцанд гарах эхлэлээ ингэж тавьсан юм.
БАРИМТ 5
Харин одоогийн бүрэлдэхүүнээрээ "Yalla Compass 2024" тэмцээнд ялалт байгуулж, мөн ондоо "PCL Major Copenhagen 2024" тэмцээнд Азийн RMR-aac шалгарч анхны стикерээ авч байв. Мөн 2024 онд "Thunderpick Championship 2024" тамцээнд түрүүлж аваргууд гэдгээ батлан харуулсан.
БАРИМТ 6
Тэдний дундаж нас 21 аж. Тодруулбал, Б.Гарьдмагнай "bLitz" 24 настай, М.Содбаяр "Techno4K" 20 настай, Б.Өсөхбаяр "910" 23 настай, Б.Аюуш "mzinho" 18 настай, М.Азбаяр "Senzu" 19 настай. Харин багийн дасгалжуулагч Б.Эрдэнэдалай 35 настай.
БАРИМТ 7
Тэд дэлхийн чансааны эхний 10-т багтсан цорын ганц Ази баг билээ. Одоогоор тэд дэлхийн чансааны дөрөвдүгээр байрт бичигдэж буй. Харин Valve чансаагаар гуравдугаарт бичигдэв.
БАРИМТ 8
2025 оны хоёрдугаар сард тэд "Intel Extreme Masters Katowice 2025" тэмцээнд "Vitality" багт ялагдан шөвгөрч, 80 мянган ам.долларын шагнал хүртсэн. Дараагаар нь зургадугаар сард "BLAST.tv Austin Major 2025" тэмцээнд мөн л "Vitality" багт ялагдан хоёрдугаар байрт орж 170 мянган ам.доллар гарджээ.
БАРИМТ 9
Хэдхэн хоногийн өмнө буюу наймдугаар сарын 17-нд тэд "BLAST Bounty Fall 2025" тэмцээнд "Team Spirit" багт ялагдаж, хоёрдугаар байрт шалгаран 68 мянган ам.долларын шагнал хүртжээ
БАРИМТ 10
Харин тэд өнгөрсөн шөнө "Esports World Cup 2025" тэмцээнд "Aorara Gaming" багийг ялж, аваргууд боллоо. Уг тэмцээнд түрүүлснээр тэд 500 мянган ам.долларыг гардсан юм.
БАРИМТ 11
The Mongolz-ын гол ивээн тэтгэгчээр "1XBET" ажилладаг.
БАРИМТ 12
Багийн үүсгэн байгуулагч, захирлаар нь хуучин тоглогчид болох Э.Билгүүнбат, Н.Насандэлгэр нар ажилладаг.
