БАРИМТ 1
АН-ын даргад нэрээ дэвшүүлэх Өлзийхүүгийн Шижир нь АН-ын жагсаалтаар УИХ-ын гишүүн болсон улстөрчдийн нэг юм. Тэрбээр АН-ын жагсаалтын 5 дугаарт байв.
БАРИМТ 2
Тэрбээр 2004 онд Шинжлэх ухаан, технологийн их сургуулийн Компьютер техник, менежментийн сургууль, 2008 онд Хүний нөөцийн удирдлага, менежмент чиглэлээр суралцсан.
БАРИМТ 3
УИХ-ын гишүүн Ө.Шижир 18 настайдаа Ардчилсан намд элсэж, түүнээс хойш намын бүхий л түвшинд ажилласан гэж байв. Түүний хувьд 1980-аад оныхны төлөөлөл болж намын даргад өрсөлдөхөөр нэр дэвшиж байгаа аж.
БАРИМТ 4
Тэрбээр Ерөнхийлөгчийн Тамгын газрын даргын албыг хашсан "хамгийн залуу" улстөрч.
БАРИМТ 5
Ерөнхийлөгч асан Х.Баттулга 2020-2021 онд чухал албанд орон тооны бус зөвлөх нь болох Ө.Шижирийг томилж байсан нь ЕТГ-ын дарга гэх албан тушаал юм.
БАРИМТ 6
Тухайн үед буюу дээрх албан тушаалыг авахдаа Ө.Шижир Монголын хөлбөмбөгийн холбооны Ерөнхий нарийн бичгийн дарга, Ерөнхийлөгчийн ахлах зөвлөхийн орон тооны сул гишүүн байжээ.
БАРИМТ 7
Тэрбээр 2007-2008 онд Монголын Ардчилсан Холбооны Залуучуудын зөвлөлийг үүсгэн байгуулагч, улс төрийн ажилтнаар, 2008-2010 онд “Жи Эй Жи” ХХК-ийн хүний нөөц хариуцсан менежерээр 2010-2012 онд “Чингис Маркет” ХХК-ийн Маркетингийн газрын захирлаар тус тус ажилласан.
БАРИМТ 8
Ө.Шижир нь Ерөнхийлөгч асан, УИХ-ын гишүүн Х.Баттулгыг 2012-2014 онд Монгол Улсын Засгийн газрын гишүүн, Үйлдвэр, хөдөө аж ахуйн сайдаар ажиллаж байхад орон тооны бус зөвлөхөөр нь ажиллаж байсан нэгэн.
БАРИМТ 9
2015 оноос “Хэлц Үг” ХХК-ийн Ерөнхий захиралаар, 2015 оноос “Эм Ди Си” ХХК-ийг байгуулан ТУЗ-ийн даргаар, 2018 оноос “Эм Ди Си рийл эстэйт” ХХК-д Ерөнхий захирал, 2023 оноос “Фүүдкорп” ХХК-ийн ТУЗ-ийн даргаар, 2024 оноос “Пастрикорп” ХХК-ийн ТУЗ-ийн даргаар ажиллаж буй.
БАРИМТ 10
Хөрөнгө орлогын мэдүүлэгт дурдсанаар бол тэрбээр нийт 3,348,000,000 төгрөгийн хөрөнгөтэй. 2,800,000,000 төгрөгийн үнэлгээ бүхий зуслангийн байшин, нийтийн орон сууцтай. 300,000,000 төгрөгийн Lexus, 570 машинтай. 50 сая төгрөгийн малтай, 191 сая төгрөгийн газартай, 7 саяар үнэлэгдэх үнэт эдлэлтэй нэгэн аж.
БАРИМТ 11
УИХ-ын гишүүн Ө.Шижир өөрийн орлогоо 98,010,280 төгрөг гэж мэдүүлсэн байна.
БАРИМТ 12
Тэрбээр shijir.mn гэх веб сайтдаа УИХ-ын чуулганы тайлан, өөрийн хэлсэн үг зэрэг мэдээ мэдээллийг нийтэлдэг аж.
