ЭШЛЭЛ 1
Улсын хэмжээнд сүүлийн 5 жилийн байдлаар 11,446 гэмт хэрэг бүртгэгдснээс 12026 хүүхэд хохирсон байна. 2025 оны байдлаар хүүхэд хохирсон гэмт хэрэг 18,2 хувиар буурсан.
ЭШЛЭЛ 2
Харин улсын хэмжээнд хүүхэд холбогдсон гэмт хэрэг дээр анхаарал хандуулах хэрэгтэй байна. 2025 онд буурсан боловч өмнөх жилүүдэд анхаарал татсан тоон мэдээллүүд байсаар байсан.
ЭШЛЭЛ 3
Хулгайлах гэмт хэрэгт мөн анхаармаар байгаа. Хүүхэд хулгайлах гэмт хэрэгт оролцож байна гэдэг бол гэр бүлийн анхаарал халамж, сул байгааг харуулж байна. Энэ гэмт хэрэгт насанд хүрсэн хүмүүс хүүхдийг уруу татдаг гэх судалгаа бий. Мөн хөдөлгөөний аюулгүй байдалтай холбоотой гэмт хэрэгт хүүхэд өртөж, хохирсон тохиолдол буурахгүй байгаа.
ЭШЛЭЛ 4
Хүүхэд хохирсон гэмт хэрэгт хүчиндэх гэмт хэрэг 14,4 хувийг эзэлж байна. Харин хүүхэд холбогдсон гэмт хэрэг дээр залилах гэмт хэрэг 30,7 хувийг эзэлж байна.
ЭШЛЭЛ 5
Сүүлийн таван жилийн байдлаар улсын хэмжээнд нийт бүртгэгдсэн гэмт хэргийн тоо бол 1582 байна. Үүнээс нийслэлд 785 тохиолдол бүртгэгдсэн байна. Хүчирхийлэлд өртсөн хүн болгон хохирогч болж байна.
ЭШЛЭЛ 6
Гэр бүлийн хүчирхийллийн дуудлага мэдээллийг хүлээн авдаг 107 утасны үнэ нэг минутын 80 төгрөг болсон байна. Үүнийг үнэгүй болгоход Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл анхаарч ажиллаасай гэж хүсэж байна.
ЭШЛЭЛ 7
Цагдаагийн байгууллага болон төрийн байгууллагууд хамтран олон аянуудыг хийдэг. Миний бие хоёр аян дээр хамтарч ажилласан. Тухайлбал, 2023 онд "Дээрэлхэлт дэлгэрэх ёсгүй" гэдэг аяныг явуулсан. Энэ нэлээд үр дүнтэй болсон. 365 хоног бид хүүхдээ, гэр бүлээ, найзаа хамгаалах ёстой юм байна гэдэг зорилтын хүрээнд "Өдөр бүр анхаарч хайрлая 365" аяныг 2025 онд эхлүүлсэн.
ЭШЛЭЛ 8
Энэ аян 57 мянган хүнд хүрч чадсан. Үүгээр дамжуулан хүүхдээ зөвхөн сургуульд даатгах биш, хамтдаа хайрлаж байж хүүхэд гэмт хэрэгт өртөхгүй, хохирохгүй юм байна гэдэг цэг дээр очиж, энэ аяныг өрнүүлсэн. Энэ аяны дараа хүүхэд хохирсон болон хүүхэд оролцсон гэмт хэргийн тоо буурсан үзүүлэлт 2025 онд гарсан.
ЭШЛЭЛ 9
Эцэг эхийн хариуцлага, хүүхдийн хүмүүжил, хорт зуршил зэрэг чиглэлд 2026 онд арга хэмжээ хэрэгжүүлэх хэрэгтэй байна. Гэр бүлд хүчирхийлэл байгааг хүүхэд сургуулийн орчинд хэлдэггүй. Тиймээс яаж хүчирхийлэлд өртөөд байна вэ гэдэг мэдээллийг хүүхдэд олгосноор хүчирхийлэлд өртөхгүй байх шалтгаан нөхцөлд нөлөөлнө гэж харж байгаа.
ЭШЛЭЛ 10
Нийслэлийн 1,7 сая иргэний 800 мянга нь хүүхэд байхад хүүхэдтэй тэмцдэг гэмт хэргийн алба хаагчдын тоо хангалтгүй байна. Нэг дүүрэгт хоёр алба хаагч байна гэдэг бол хангалтгүй.
