ЭШЛЭЛ 1
Одонгийн Цогтгэрэл нь 1976 оны 12 дугаар сарын 31-нд Увс аймгийн Тэс суманд төрсөн.
ЭШЛЭЛ 2
9 хүүхэдтэй айлын дунд хүү.
ЭШЛЭЛ 3
Тэрбээр ТИС-ийн Компьютерын техник менежментийн сургуулийг төгссөн бөгөөд эдийн засагч мэргэжилтэй.
ЭШЛЭЛ 4
Арван жилийн нэг ангийн охин Р.Цэвэлмаатай гэр бүл болж, өдгөө 4 хүүхдийн аав ээж.
ЭШЛЭЛ 5
"ТЭСО" группийн үүсгэн байгуулагч тэрбээр хамгийн анх зайрмагны торх үйлдвэрлэж байсан.
ЭШЛЭЛ 6
"ТЭСО" группийн нэрийн товчлол нь үүсгэн байгуулагчийн аав Одон, өвөө Сүх-Очир, өндөр өвөө Энхийн нэрийн эхний үсэг болон төрж өссөн Тэс сумыг нэрийг агуулдаг
ЭШЛЭЛ 7
Тэрбээр “аливаа ажил, бүтээн байгуулалтын нэрэнд их ач холбогдол өгдөг” хэмээн Амжилт нэвтрүүлгийн үеэр ярьжээ. Жишээ нь, Содон хорооллын нэр нь түүний аав С.Одонгийн овгийн эхний үсэг болон нэрний нийлбэр буюу “СОДОН” юм.
ЭШЛЭЛ 8
1994 онд найзуудтайгаа нийлж талх, нарийн боов хийн борлуулж байсан ч үйлдвэрт нь хулгай орж, бизнес нь дампуурсан.
ЭШЛЭЛ 9
1997 онд зайрмагны торх хийдэг машиныг 50 мянган төгрөгийн материалаар аав болон ахаараа хийлгэж байсан аж. Уг машинаа тэр 30 дахин нугалж заран 1500000 төгрөгөөр борлуулжээ.
ЭШЛЭЛ 10
Тухайн үедээ 20 гаруй зайрмагны торх хийдэг машин зарснаар оюутан байхдаа саятан болсон нэгэн.
ЭШЛЭЛ 11
Тэрбээр Харвардын Стратегийн Удирдлагын хөтөлбөрт хамрагдаж, хамгийн чухал нэг ур чадварыг олж авсан нь "negotiation" буюу хэлэлцээр хийх чадвар хэмээн нэгэн ярилцлагадаа дурджээ.
ЭШЛЭЛ 12
Увс аймгийн 90 жилийн ойд зориулан “Book Challenge” аяныг эхлүүлж, 20 гаруй тонн буюу 37 мянган ном цуглуулж сургуулиудад бэлэглэж байв.
ЭШЛЭЛ 13
О.Цогтгэрэл 2012-2015 онд Ерөнхий сайд Н.Алтанхуягийн зөвлөхөөр ажиллаж байлаа.
ЭШЛЭЛ 14
2020 оны Улсын Их Хурлын сонгуульд Увс аймгаас УИХ-ын сонгогдсон.
ЭШЛЭЛ 15
Тэрбээр өөрийн хамаарал бүхий “Агь” ХХК-д 4.1 тэрбум, “Милко” ХХК-д 750 сая, “Тэсо” ХХК-д 2013 онд 5 тэрбум, 2014 онд 2 тэрбумын зээл тус тус авсан нь Хөгжлийн банкны сонсголын үед ил болов.
ЭШЛЭЛ 16
О.Цогтгэрэл нь “Хөгжлийн банкнаас авсан зээлүүдээ 2016 он гэхэд төлж дуусгасан” хэмээн сонсголын үеэр тайлбарлаж байв.
ЭШЛЭЛ 17
О.Цогтгэрэл нь Ерөнхийлөгчийн сонгуульд нэр дэвшигч Н.Алтанхуягийг СЕХ-нд бүртгээгүйг эсэргүүцэж УИХ дахь АН-ын бүлгийн зургаан гишүүн болох Ц.Туваан, Н.Ганибал, Ж.Батсуурь, А.Адьяасүрэн, С.Ганбаатар, Н.Алтанхуяг нарын хамт Сүхбаатарын талбайд өлсгөлөн зарлаж байсан.
ЭШЛЭЛ 18
2024 онд УИХ-ын сонгуулийн 2 дугаар тойрог (Говь-Алтай, Завхан, Ховд, Увс)-аас гишүүнээр сонгогдов.
ЭШЛЭЛ 19
2024 оны долоодугаар сарын 2-нд АН-ын бүлгийн даргаар 28/42 санал авч улиран сонгогдсон. Түүнтэй УИХ дахь АН-ын бүлгийн даргад Х.Баттулга, Н.Алтанхуяг нар өрсөлдсөн ч Х.Баттулга нэрээ татаж байсан.
ЭШЛЭЛ 20
Ардчилсан намын Үндэсний бодлогын хорооны ээлжит бус хуралдаанд оролцсон нийт гишүүдийн 60 хувийн саналаар тэрээр Ардчилсан намын даргаар сонгогдов.
ЭШЛЭЛ 21
Маш их уурласан үедээ дуугаа хураадаг зантай тэрээр хэн нэгэнд хэрэггүй болохоос айдаг.
ЭШЛЭЛ 22
Ардчилсан намын дарга тэрээр цэгцтэй байдлыг эрхэмлэдэг нь түүний “Нээлттэй, цэгцтэй” аянаас болон ТЭСО группийн “Чөлөөтэй сэтгэж, цэгцтэй үйлдье” урианаас харагдана.
ЭШЛЭЛ 23
УИХ-ын гишүүн С. Ганбаатар 2021 онд МАХН аас гарч, улмаар Ардчилсан Намын гишүүн болж, гишүүнчлэлийн үнэмлэхээ О.Цогтгэрэлээс авч байв.
ЭШЛЭЛ 24
Тэрбээр 2019 онд “Зүг чиг: Хэрвээ та” номыг бичсэн. Уг ном нь “Шинэ хөдөө”, “Шинэ эдийн засаг”, “Эргэж хар, урагш алх” гэх гурван бүлэгтэй бөгөөд 20 зочны үзэл санаа, байр суурийг нэгтгэн багтаажээ.
Сэтгэгдэл (7)