БАРИМТ 1
Тэрбээр 1995 онд Завхан аймгийн Хөгжим, бүжгийн коллежид элссэн.
БАРИМТ 2
Түүний ээж нь хүүгээ морин хуурч болгоно гэдэг байв.
БАРИМТ 3
Аав нь Завханы Соёлын ордонд Контрабас хөгжим тоглодог байсан.
БАРИМТ 4
Соёл Урлагийн Их сургуульд конкурс өгч нэгдүгээр байранд жагссан нь түүний амьдралын хамгийн баярт дурсамжуудын нэг байсан.
БАРИМТ 5
Гоцлол хөгжимчин, багш мэргэжилтэй.
БАРИМТ 6
Л.Мөрдорж гуайн нэрэмжит Үндэсний хөгжимчдийн анхдугаар уралдаанд оролцож, лимбэчдийн төрөлд хоёрдугаар байр эзэлж байсан.
БАРИМТ 7
МУК буюу тэр үеийн Хөгжим Бүжгийн Коллежийн Үндэсний хөгжмийн тэнхимээс багшлах санал тавьсан.
БАРИМТ 8
2006 онд цагийн багшаар ажиллаж үзсэн учраас ойр санагдсан Лимбэчин болсны хувьд дараа үедээ өвлөн уламжлуулах үүргээ ухамсарлаж багш болохоор сэтгэл шулуудсан.
БАРИМТ 9
Тэрбээр багшийн ажлаа анхны шавь болох Б.Мягмарцэрэндээ хүлээлгэн өгч байв.
БАРИМТ 10
“Лимбэний битүү амьсгаагаа ЮНЕСКО-д бүртгүүлэх юмсан” гэж багш Ц. Цэвэгсүрэнтэйгээ ярилцдаг байсан.
БАРИМТ 11
ЮНЕСКО-ийн биет бус соёлын өвд “Монгол лимбэний уртын дууг хөгжимдөх өвөрмөц арга барил Битүү амьсгаа” нэрээр яаралтай хамгаалах соёлын биет бус өвийн жагсаалтад оруулах судалгааны багт ажилласан.
БАРИМТ 12
2012 оны зургаадугаар сарын 11-нд МУСТА цол тэмдгийг авч байв.
БАРИМТ 13
Багшлахын хажуугаар тоглоочоо хийж улсын чанартай 5-н уралдаанд оролцож, 2 уралдаанаас тэргүүн байр, 2 уралдаанаас дэд байр, 1 уралдаанд амжилттай оролцсон байна.
БАРИМТ 14
2019 онд зохиогдсон Л.Цэрэндоржийн 110 жилийн ойг тэмдэглэн өнгөрүүлэх ажлын хүрээнд түүний нэрэмжит мэргэжлийн лимбэчдийн улсын хоёрдугаар уралдаан зохион байгуулагдаж, тус уралдаанд тэргүүн байр эзэлсэн.
БАРИМТ 15
2018 онд соёл урлагийн салбарын оны шилдэгт олгодог “Мөнгөн мод” шагналын “Шилдэг хөгжимчин” номинацид нэр дэвшиж шилдгээр шалгарсан.
БАРИМТ 16
2005 онд СУИС-д анхны хөөмийний анги нээгдэхэд Б. Одсүрэн багшийн шавь болж албан ёсоор хөөмийтэй хувь заяагаа холбож байжээ.
БАРИМТ 17
The HU хамтлагийн гишүүн Г.Нямжанцан 2005 онд аав болжээ.
БАРИМТ 18
The Hu хамтлагийн ахлагч Ц.Галбадрахтай 2007 оноос хойш “Алтайн оргил” хамтлагт хамт байж, уран бүтээлээ хийж байсан.
БАРИМТ 19
Тэрбээр лимбэнээс салхийг, хурдыг мэдэрдэг.
БАРИМТ 20
“Хадмуудаасаа мөнгө аваад автобусанд суухдаа ичиж, өөрөөр амьдрах ёстой гэдгээ ухаарсан” ярилцлагадаа дурджээ.
БАРИМТ 21
Тэрбээр Узбек улсад зохион байгуулагдсан өсвөрийн хөгжимчдийн оркестр цөөхүүл хөгжмийн Науроз садолари 4-р уралдаанд МУ-ын Консерваторын үндэсний хөгжмийн тэнхимийн оюутнуудыг бэлтгэн оролцуулж, тус уралдааны цөөхүүл хөгжмийн төрөлд тэргүүн байрт шалгарсан.
БАРИМТ 22
Цуур хөгжмийг Урианхайн алдарт цуурч Паарайн Наранцогт гуайн гарын шавь Ш.Баянмөнх гэж дуучин залуугаас сурсан гэдэг.
БАРИМТ 23
The HU хамтлагийн гишүүн Г.Нямжанцан лимбэний битүү амьсгаа, хөөмий, цуур гээд энэ гурван өвтэй салшгүй холбоотой болсон хүний хувьд үүнийг түгээн дэлгэрүүлж, хойч үедээ өвлүүлэн уламжлуулахыг өөрийн үүрэг хариуцлага хэмээн үздэг.
БАРИМТ 24
2015 онд дуучин Б.Сарантуяагийн тоглолт дээр “THE HU” хамтлагийн үүсгэн байгуулагч Б.Дашдондогтой танилцаж байсан.
