БАРИМТ 1
Манай эриний 298 оны энэ өдөр Ромын эзэн хаан Максимиан Хойд Африкын Берберчүүдийг байлдан дагуулах аян дайнаа эхлүүлжээ.
БАРИМТ 2
1629 оны энэ өдөр Английн хаан I Чарльз парламентыг тараав. Тэрээр 11 жилийн туршид парламент байгуулалгүйгээр түр парламент байгуулан бүх эрх мэдлийг өөртөө авчээ.
БАРИМТ 3
1735 оны энэ өдөр Хаант Орос болон Азербайжан улсын хооронд хамтын ажиллагааны гэрээ байгуулав.
БАРИМТ 4
1804 оны энэ өдөр Луйзанагын газар нутгийг захирч байсан Францын тал АНУ-д тус газар нутгийг шилжүүлэн өгчээ.
БАРИМТ 5
1814 оны энэ өдөр Францын хаан I Наполеон Лаоны тулаанд ялагдал хүлээв.
БАРИМТ 6
1830 оны энэ өдөр Нидерландын засгийн газар өөрсдийн мэдлийн Филиппин улсад зэвсэгт хүчин байгуулахаар болжээ.
БАРИМТ 7
1848 оны энэ өдөр АНУ-ын Сенатын танхим Гуадалуп Хидалгогын гэрээнд гарын үсэг зурахыг зөвшөөрснөөр Мексик-Америкийн дайн эцэслэв.
БАРИМТ 8
1876 оны энэ өдар Нэрт зохион бүтээгч Александер Грэхэм Белл телефон утсыг амжилттай туршжээ.
БАРИМТ 9
1891 оны энэ өдөр Америкийн зохион бүтээгч Алмон Строугер телефон утасны автомат дамар зохион бүтээж, зохиогчийн эрх авав.
БАРИМТ 10
1906 оны энэ өдөр Европ тивд болсон хамгийн хөнөөлтэй уурхайн осол Францд болов. Францын хойд хэсэгт орших Куррьерсын уурхай нурж 1099 уурхайчин амиа алджээ.
БАРИМТ 11
1917 оны энэ өдөрФилиппиний засаг захиргаа нутаг дэвсгэрийг шинээр хуваарилахаар болж, зарим хот, мужууд эмхлэгдэн байгуулагдаж эхэлжээ.
БАРИМТ 12
1921 оны энэ өдөр Жанжин Д.Сүхбаатар, Л.Сумъяа нарын цэргүүд Хятадын талын 100 гаруй цэрэгтэй байлдав. Тулааны үеэр 50 гаруй гаминг алж, 2-3 хүнийг амьдаар баривчилж, шар үхэр хориод, тэрэгтэй морь арваад, уналгын морь, буу сэлэм тус бүр дөчөөдийг олзолжээ. Тухайн үед Ардын журамт цэргийн зэвсэглэлд орос, хятад, япон винтов, бирдаан, усан баймлий, ямаан сүүлт, сисанли зэрэг нэлээд олон төрлийн буу ашиглагдаж байсан гэдэг.
БАРИМТ 13
1922 оны энэ өдөр Энэтхэгт жагсаал цуглаан зохион байгуулж, ард иргэдийг өдөөн турхирсан хэргээр Махатма Гандиг цагдаагийн газар баривчлав. Түүнд зургаан жилийн ял оноож, шоронд хорисон ч хоёр жилийн дараа суллагдсан юм.
БАРИМТ 14
1945 оны энэ өдөр АНУ-ын нисэх хүчин Японы нийслэл Токио хотыг бөмбөгдөж, 100 мянган хүн амиа алджээ. Амиа алдагсдын дийлэнх нь энгийн иргэд байсан юм.
БАРИМТ 15
1952 оны энэ өдөр Кубын засгийн эрхийг Фульхенсио Батиста хүч хэрэглэн авч, өөрийгөө ерөнхийлөгч хэмээн зарлав.
БАРИМТ 16
1959 оны энэ өдөр Төвдийн иргэд XIV Далай ламын удирдлага дор бослого хөдөлгөөн дэгдээх магадлалтай болсон тул Хятадын тал Далай ламын "Потала" ордонг бүслэжээ.
БАРИМТ 17
1969 оны энэ өдөр АНУ-ын Теннесси мужийн Мемфис хотын шүүх Жеймс Эрл Рейг Мартин Лютер Кингийн амь насанд халдсан гэж үзэн ял оноожээ.
БАРИМТ 18
1975 оны энэ өдөр Вьетнамын дайн: Хойд Вьетнамын цэргүүд Өмнөд Вьетнамын Сайгон хотод халдав. Гэсэн ч уг тулаанд Өмнөд Вьетнамчууд ялалт байгуулсан юм.
БАРИМТ 19
1990 оны энэ өдөр Гайти улсын Ерөнхийлөгч Проспер Аврил төрийн эргэлт хийгчидтэй 18 сар тулалдсаны эцэст үүрэгт ажлаа хүлээлгэн өгчээ.
БАРИМТ 20
2000 оны энэ өдөр Дот-Комын хөөс: Цахим орчины зах зээлийн их тэсрэлтийн үед Насдак Композит индекс 5132.52-т хүрч түүхэн дээд хэмжээндээ хүрэв.
БАРИМТ 21
2006 оны энэ өдөр Ангараг гарагыг судлах зорилготой хиймэл дагуул тус гарагын тойрог замд нэвтэрчээ.
БАРИМТ 22
2017 оны энэ өдөр Өмнөд Солонгосын Ерөнхийлөгч Паг Кын Хе албан тушаалаа огцров. Тус улсын дээд шүүх, үндсэн хуулийн цэц түүний бүрэн эрхийг дуусгавар болгохыг хүлээн зөвшөөрсөн шийд гаргажээ.
БАРИМТ 23
2019 оны энэ өдөр Этиопийн нийслэл Аддис Абеба хотоос Кенийн нийслэл Найроби хот руу чиглэж явсан "Этиопийн агаарын тээврийн" 302-р нислэг хөөрөөд удалгүй осолдож зорчигч, хөлгийн багийн 157 хүн бүгд амь насаа алдав. Энэ явдлаас болж АНУ, Их Британи, Франц, БНХАУ, ОХУ зэрэг улс Боинг "737 МАХ 8" загварын онгоцыг нислэгийн үйлчилгээнд ашиглахгүй байхаар шийдвэрлэсэн билээ.
БАРИМТ 24
1977 оны энэ өдөр АНУ-ын сансар судлалын агентлаг Уранус гарагын цагаригыг илрүүлжээ.
Сэтгэгдэл (2)