ЭШЛЭЛ 1
Монгол улс 2025 онд анх удаа 847170 жуулчин хүлээж авч дотоод нийт бүтээгдэхүүний 7,8 хувийг бүрдүүлж, 2024 онтой харьцуулахад 16 хувиар өссөн нь бүс нутгийн дунджаас хоёр дахин өндөр үзүүлэлт байна.
ЭШЛЭЛ 2
Аялал жуулчлал нь Монголын нүүдлийн соёл иргэншил, өв уламжлал, байгаль соёлын өвийг дэлхийд сурталчлах улс түмний энх тайван, найрамдлын гүүр юм.
ЭШЛЭЛ 3
Монгол улсын Засгийн Газраас аялал жуулчлалын бизнесийн орчныг сайжруулах, дэд бүтцийг хөгжүүлэх, үйлчилгээний чанарыг сайжруулах, байгаль соёлын өвөө олон улсад сурталчлан таниулах ажлыг эрчимжүүлэн, тодорхой ахиц гарган ажиллаж байна.
ЭШЛЭЛ 4
Монгол улс аялал жуулчлалын сэргэлтээр дэлхийн шилдэг 20 орны нэгээр нэрлэгдэж UN Tourism-оос сар бүр эрхлэн гаргадаг олон улсын World Tourism Barometer тайлангийн 2025 оны эцсийн үр дүнгээр Монгол Улс аялал жуулчлалын сэргэлтийн үзүүлэлтээр дэлхийн шилдэг 20 улсын тоонд багтлаа.
ЭШЛЭЛ 5
Саяхан Дэлхийн Эдийн Засгийн Форумын институтээс Монголын аялал жуулчлалын хөгжлийн ахицыг эергээр үнэлэн дүгнэж, мөн түүнчлэн дэлхийд алдартай CNN байгууллагаас гаргадаг 2026 онд аялах газруудын жагсаалтад ЮНЕСКО-гийн дэлхий соёлын өв-Орхоны хөндийг багтаан сурталчилсан нь та бидний хамтын ажиллагааны үр дүн гэж үзэж байна.
ЭШЛЭЛ 6
Дэлхийн Энх тайвны индексээр (Global Peace Index, GPI) Монгол Улс 2025 оны Ази тивийн хамгийн тайван, аюулгүй таван улсын нэгээр шалгарсан билээ.
ЭШЛЭЛ 7
Монгол орны өнөөгийн хөгжил, нүүдлийн соёл иргэншил, өргөн уудам тал нутаг, онгон байгаль нь аялал жуулчлалын бүтээгдэхүүн, үйлчилгээний арвин баялаг нөөцийг бидэнд олгосон нэн ховордож байгаа үнэт өв юм.
ЭШЛЭЛ 8
Бид байгаль орчинд ээлтэй аяллыг дэмжиж, хамгаалахын хамт нөхөн сэргээхийг дэмжиж, ирээдүй хойч үедээ өвлүүлэх үнэт зүйлсээ хамгаалан хөгжүүлэх бодлого баримталж байна.
ЭШЛЭЛ 9
Бид тээвэр, дижитал холболтыг сайжруулж, хүний нөөцийн чадавхыг бэхжүүлж, жуулчдад тав тухтай, найдвартай найрсаг орчныг бий болгох ёстой.
ЭШЛЭЛ 10
Аялал жуулчлалын өсөлт, хөгжил нь орон нутгийн иргэд, малчид, жижиг бизнес эрхлэгчдэд бодит өгөөжийг авчрах ёстой.
ЭШЛЭЛ 11
Монголын аялал жуулчлалын ирээдүйн хөгжил, амжилт нь хамтын ажиллагаанд тулгуурлана. Төр бодлогоо тодорхойлж, стратегийн чиглэлээ тогтооно.
ЭШЛЭЛ 12
Монгол Улсыг дэлхийн тавцанд тогтвортой, утга учиртай, иргэн төвтэй аялал жуулчлалын тэргүүлэх орон болгон хөгжүүлэхэд хувь нэмрээ оруулна гэдэгт итгэлтэй байна.
Сэтгэгдэл (2)