24tsag.mn сайтын facelook үргэлжилж байна. Энэ удаагийн зочноор Монгол түмний бахархал болсон нэгэн хүчтэний гэрэл зургуудийг дэлгэж байна. Энэ хүн бол МУ-ын хөдөлмөрийн баатар, Дархан аварга, УИХ-ын гишүүн Б.Бат-Эрдэнэ юм. Монгол бөхийн түүхэнд бахдам амжилт гаргасан энэ хүний амьдрал, амжилтыг харуулсан гэрэл зургуудтай танилцана уу.
1980-1990-ээд оны сүүл хүртэлх хугацаанд Монгол бөхийн дэвжээг эзэгнэж байсан хүчит аварга бол яах аргагүй Б.Бат-Эрдэнэ юм. Их аварга энэ жил 48 настай. Тэрээр Хэнтий аймгийн Өмнөдэлгэр суманд төрсөн. Бага насаа Хэрлэнгийн хөвөөнд хурга ишиг хариулж, бөх барилдаж өнгөрөөжээ. Гурван эгч, нэг ахтай. "Хатуу бэрх амьдралыг сэтгэлийн их хүчээр сөрж ирсэн" гэж тэрээр ярьдаг юм.
Харуусал. Миний багад Хэрлэн ийм байгаагүй...
Хоёр Эрдэнэ. Цагдаагийн хурандаа, "Хүч" спорт хорооны дарга Б.Бат-Эрдэнэ арслан Д.Мөнх-Эрдэнийг баривчлаад байгаа юм биш. Хоёр Эрдэнэ гэж нэршсэн Б.Бат-Эрдэнэ, Д.Мөнх-Эрдэнэ нар монгол наадмын үзүүр түрүүнд олон удаа тулсан юм. Гэвч Д.Мөнх-Эрдэнэ түүнийг барж байсангүй.
Солигдсон байр. Аваргын ард зогсоо зурагчин залуу бол ирээдүйн ерөнхийлөгч Ц.Элбэгдорж.
Дээд амжилт. Б.Бат-Эрдэнэ анх 1985 оны наадмын дөрвийн даваанд Увс аймгийн харьяат улсын заан Ө.Тулгааг, тавын даваанд улсын начин О.Балжиннямыг давж улсын начин болж байсан. Тэрээр улсын наадамд 13 удаа, Цагаан сарын барилдаанд 12 удаа түрүүлж байсан. Түүний энэ амжилтыг өнөөдөр хэн ч эвдээгүй байна.
Нэг үеийнхэн. Б.Бат-Эрдэнэ 1989 онд үндэсний бөхийн улсын аварга болоод зогсож байна. Харин хажууд нь дараах байруудыг эзэлсэн, ирээдүйн аварга О.Балжинням, заан Баярсайхан нар. Мөн ч залуухан байж дээ...
Охидын найрал дуу. Аваргын гэргий Б.Болормаа багш мэргэжилтэй. Волейболын, спортын мастер цолтой энэ бүсгүй Б.Бат-Эрдэнэтэй 1987 онд гэрлэж, 3 охины ээж аав болцгоожээ.
Улсын зааны хүргэн. Б.Болормаагийн аав улсын заан Барамсай Б.Бат-Эрдэнэтэй анх уулзаж бөх болох хүүхэд байна гэж зодог, шуудгаа тайлж өгчээ. Түүнийг дагуулан аймаг, сумын наадам хэсч, бөхийн мэх, дэвээ шаваа зааж өгдөг байсан ч хожим нь хүргэн нь болжээ.
Залбирал. Залбирч буй энэ хоёр хүн хоёулаа их сүсэг бишрэлтэй хүмүүс.
Сүсэг. Шашин номын гол арга хэмжээг тэр алгасалгүй оччихсон байдаг. IX Богдыг Гандантэгчилэн хийдэд залахад очиж мөргөж, адис авч байсан үеийн зураг.
Д.Долгорсүрэн зааны хатуу боорцгууд. Д.Дагвадорж жаахан байхдаа Б.Бат-Эрдэнэ аваргатай театрт кино үздэг байсан гэдэг. Б.Бат-Эрдэнэ ч Д.Долгорсүрэн зааныд орж боорцог идэж, айраг уудаг байжээ.
Хэнтийн намар. Хээр явах нь түүний хамгийн дуртай зүйлийн нэг. Харин амьтны хамраас цус гаргадаг болов уу?
Рэмбо. Д.Тэрбишдагватай парламентын танхимд төдийгүй холын замд гайгүй найзууд гэдгийн нотолгоо нь энэ зураг. Харин одоо тэд улс төрийн их авын өрсөлдөгч хоёр отогт харьяалагддаг.
Хөрөнгөтөн. Б.Бат-Эрдэнэ бол УИХ-ын гишүүд дундаасаа хамгийн олон малтай нь. Хамгийн олон хурдан удмын адуутай нь. Түүний нэр дээр 400 бод, 3100 бог, 20 хурдан удмын адуу байдаг. Эдгээр нь нийлээд 182 сая төгрөгөөр үнэлэгддэг. Хөрөнгө орлогын мэдүүлэгт нь өөр олон компанийн хувь бий.
Офицерүүд. Нэг нь цагдаагийн, нөгөө нь зэвсэгт хүчний офицер. Нэг намын дарга цэргүүд.
Парламентын "аварга". 2004 онд Б.Бат-Эрдэнэ аварга Хэнтий аймгаас сонгогдож УИХ-ын гишүүн болсноор их аварга зодог шудагаа костюмаар сольсон юм. Тэрээр УИХ-д 3 удаа сонгогдоод байна.
Оюутолгойн дайсан. Оюутолгойн гэрээг хамгийн идэвхтэй эсэргүүцэгчдийн нэг Б.Бат-Эрдэнийг шүүмжлэгчид "ярьдаг бөх" гэж хүртэл цоллодог. Уул нь ондоо цол дуудуудлаг аварга сан...
"Дептаат". Хүний арга олдог, хэл ам дорхноо нэвтрэлцдэг, хашир, хийгүй... Ёстой барилдаан шигээ сонгогчидтойгоо харилцдаг гэж түүнийг ярьдаг.
Архангай? Түүнийг аав талаараа уг гарвал уул нь Архангайнх гэлцдэг.
Нэг хэсэг айл бүрийн хойморт заларч байсан их аваргын зурагт хуудас.
Т.Хулан
Сэтгэгдэл (46)