Калифорниос Хавай руу таван цаг нисч хүрсэн онгоцны дугуйн доор 16 настай хүү нуугдаж явжээ. Өчигдөр өглөө Хавайд онгоц газардахад хүү эсэн мэнд олдсон талаар агаарын тээврийн компаниуд мэдээлэв. Онгоц газардахад дугуйнаас нь хүүхэд гэнэт үсэрч бууж ирсэн гэнэ. Хүү гэрээсээ зугтаж, Сан Хосегийн олон улсын нисэх буудалд ирэхдээ онгоцонд зүүгдсэн байсан гэнэ. Тэрээр самнаас өөр эд зүйлгүй явж байжээ. Хүү маш азтай тохиолдлоор амьд гарлаа хэмээн Хавайн нисэх хүчний ажилтнууд мэдэгдсэн байна. 12 мянган метрийн өндөрт хөөрч явсан онгоцонд зүүгдсэн тэрээр хүчилтөрөгчөөр дутмаг, хүйтэн агаарт хэрхэн амьд үлдсэн нь олон хүний гайхшралыг төрүүлж байна. 1947 оноос хойш онгоцны дугуйнд зүүгдсэн 100 орчим тохиолдол бүртгэгдсэнээс ийм болчимгүй үйлдэл хийсэн хүмүүсийн дөрөвний гурав нь амиа алдсан байдаг ажээ. Хавайн эрх баригчид 16 настай хүү шиг ухаангүй алхам хийж болохгүйг олон нийтэд сануулав.