Өнөөдөр Монгол Бөхийн өргөөнд “Ситико аудит” компанийн 15 жилийн ойн Улсын начин цолтнуудад хүндэтгэл үзүүлэх бөхийн барилдаан болно. Энэ барилдаанд улс, аймгийн алдар, цолтой 224 хүчит бөх барилдах юм. Харин ирэх мягмар гараг буюу энэ сарын 13-нд их эзэн Чингис хааны мэндэлсний 850 жилийн ойд зориулсан хүндэтгэлийн барилдаан болох юм. Үүнд улс, аймгийн алдар цолтой 256 бөх зодоглоно. Уг барилдааныг манай улс анх удаа зохион байгуулж байна. Энэ сарын сүүлчийн барилдаан 26-нд болох бөгөөд энэ нь улс тунхагласны өдөрт зориулсан 256 барилдааныг Төрийн ёслолын албатай хамтран зохион байгуулах юм байна.