“Бага олимпиос их олимпийн оргил өөд” уриатай Баянхонгорын бага олимпийн наадмын зохион байгуулах хорооноос мэдээлэл хийв.
Гурав дахь удаагаа зохион байгуулагдаж байгаа Бага олимпийн наадмын тэмцээн, уралдааныг энэ жил анх удаа Баянлиг, Бууцагаан сумдад явуулж байгаагаараа онцлог юм.
Баянхонгор аймагт эхэлж байгаа Бага олимпийн наадам РИО-2016 олимпийн өмнөх жил зохиогдож буйгаараа онцлог аж. Мөн Бага олимпийн наадмыг зохион байгуулах туршлагаас хуваалцахаар Баян-өлгий, Орхон зэрэг 10 аймгаас төлөөлөл хүрэлцэн ирсэн байгааг зохион байгуулагчдын зүгээс онцоллоо.
Бага олимп наадам спортын 15 төрөлд шилдгүүдээ тодруулах бөгөөд маргааш наадмын нээлт болох юм.
Олимпийн аварга Н.Түвшинбаяр тэргүүтэй жүдо бөхийн үндэсний шигшээ багийн тамирчин, дасгалжуулагчид өсвөрийн тамирчдаа дэмжихээр Баянхонгорын Бага олимпод уригдаж очоод байна.
