АШТ-ий дараах чансаа өндөр анхны "Их дуулга" тэмцээнд 84 орны 440 жүдоч хүч үзэж байна. 

"Их дуулга"-д түрүүлсэн жүдоч олимпийн эрхийн 500 оноо, мөнгөн медаль 300, хүрэл медаль 200 оноо, шагналт V 100 оноо, шагналт VII 80 оноо тус тус нэмнэ. 

Тэгвэл жүдо бөхийн олимпийн эрхийн оноо олгох Парисын "Их дуулга" тэмцээний эмэгтэйчүүдийн 48кг-д Мөнхбатын Уранцэцэг түрүүллээ. Тэрбээр аваргын төлөө Бельгийн Чарлин ван Сниктэй барилдаж юүко үнэлгээгээр буулгаж авав.

М.Уранцэцэгийн хувьд аравдугаар сард Ташкентийн Гранпри, Парисын Их дуулга тэмцээнд дараалан түрүүлж дэлхийн чансааг тэргүүлэхээр болсон бөгөөд энэ удаагийн Парисын "Их дуулга"-д анхны түрүүгээ хүртэж, алт, мөнгө, хүрэл медалийн иж бүрэн цуглуулгатай болж байгаа нь энэ юм.

Харин энэхүү тэмцээний эрэгтэйчүүдийн төрлөөс Д.Төмөрхүлэг алтан медалийн эзэн боллоо. Тэрбээр аваргын төлөө Украйны алдарт жүдоч дэлхийн таван удаагийн медальт Георгий Зантараятай таарч, юүко үнэлгээгээр өрсөлдөгчөө ялав.  Түүний хувьд багтаа хоёр дахь түрүүг авчирч медалийн чансаагаар Монгол Улс тэргүүлж эхэллээ.

Мөн  тэмцээний 60кг-д Д.Амартүвшин хүрэл медаль хүртлээ. Тэрбээр хагас шигшээд 2013 оны дэлхийн аварга Японы Такато Наохисатой барилдаж цэвэр ялагдсанаар хүрэл медалийн төлөө барилдахаар болсон. Хүрэл медалийн төлөө Голландын бөх Жороенийг дөрөв дэх минутад цэвэр ялж медалийн тавцанд гарахаар боллоо.

Ийн жил жилийн "Их дуулга"-д манай тамирчид маш амжилттай оролцож, дэлхийд чансаагаараа гайхуулдаг болжээ. Өнгөрсөн жилүүдэд жүдогийн нэр алдраа цуурайтуулсан бүхий л тамирчид энэхүү тэмцээнд амжилттай оролцож олимпийн эрхийн оноогоо ч авч, олимпдоо ч оролцож үнэмлэхүй амжилт үзүүлж, Монгол түмнийхээ нэрийг мандуулж байсныг та бүхэн санаж байгаа биз ээ.

Харин энэ удаад Д.Төмөрхүлэг, М.Уранцэцэг, Д.Амартүвшин гээд тив дэлхийн олимпоос нэгийг дуулгах тамирчид маань "Их дуулга"-даа амжилттай оролцож байгаа нь энэ юм.

Зуны 29 дүгээр олимп Ази тивд, харин 30 дугаар олимп Лондон хотод буюу Европ тивд болох бол 2016 оны олимп Америк тивд зохиогдохоор болсон. Тэгвэл Бразилийн Рио Де Жанеро хотод болох ирэх сонгуульд жүдо бөхийн төрлөөс нэгийг дуулгах тамирчдын нэрс ийн тодорсоор.

24tsag.mn