Австрийн Вена хотноо болж буй Эх дэлхийн миссийн тэмцээнд Монгол Улсыг төлөөлөн оролцож буй А.Баярцэцэг медалийн чансаагаараа 95 орноос хоёрдугаар байрт бичигдэж байна. 

Тодруулбал, тэрбээр гоёлын даашинзны үзүүлбэрээр алт, бүтээлч сэтгэлгээний төрөлд алт, фото төрөлд алт, богано даашинзны үзүүлбэрээр хүрэл медаль хүртэж “Авьяасын төрөл”-д шилдэг 12-т багтаад байгаа юм. Фото төрөлд алтан медаль хүртсэнийхээ дараа цахим хуудастаа “Хамгийн үнэ цэнэтэй, монгол хүн бүрийн хүч хөдөлмөр, хайр, дэм шингэсэн медаль байлаа. Бүтэн сарын хутацаанд дэмжиж, шэйр хийж, саналаа өгсөн монголчууддаа талархья. Мөнгөн медаль авсан оролцогчоосоо 52000 саналын илүүтэйгээр түрүүлсэн байна. Манайх шиг хүн ам цөөтэй улс энэ төрөлд ялна гэдэг их хэцүү байдаг, гэхдээ бид чадлаа” гэсэн юм.

Одоогоор тэмцээний урьд- чилсан шалгаруулалт дуус- сан бөгөөд шилдэг эко видео шагналыг төгсгөлийн өдөр гардуулах юм. Шилдэг 16-д үлдэхэд урьдчилсан шалгаруулалт 20 хувь, нүүр тулсан ярилцлага 80 хувь нөлөөлдөг байна. Нүүр тулсан шийдвэрлэх ярилцлага буюу будаггүй ярилцлагыг өчигдөр эхлэх юм.