Засгийн газар 2019 оны гуравдугаар сард “Эрдэнэт” ХХК, “Монголросцветмет” ХХК-ийн 49 хувийг төрд авсан. Ингэснээр дээрх хоёр компани албан ёсоор 100 хувь төрийн өмчит статустай болсон юм. Харин ОХУ-ын эзэмшилд байсан 49 хувийг худалдаж авчирсан “Монголиан Коппер Корпорейшн” ХХК Засгийн газрын энэхүү шийдвэрийг хууль бус гэж үзэн нэлээдгүй хэл ам хийсэн.

Гэвч тусыг олоогүй тул тэд Засгийн газрыг Арбитрын шүүхэд өгөх асуудлаар олон улсын хуулийн фирмтэй хамтран ажилласан байна. Гэхдээ өнөө маргаашгүй өгчихнө гэсэн үг биш.

Гол нь Засгийн газартай ойлголцох юм. Ойлголцож чадахгүй бол “Эрдэнэт”, “Монголросцветмет ХХК-ийн ОХУ дахь 49 хувийг худалдаж авахад гаргасан зардал, зарцуулсан хөрөнгө, шилжүүлж авснаас хойшхи ногдол ашиг болон алдагдлыг Засгийн газраас нэхэмжлэхээр болжээ.

Урьдчилсан тооцооллоор, энэ бүхний нийт дүн 210 орчим сая ам доллар болж буй аж. Хэрэв “Монгоиан Коппер Корпорейшн” ХХК Засгийн газартай хэл амаа ололцолгүй Арбитрийн шүүхэд хандахаар болбол энэ нь Засгийн газар олон улсын Арбитрын шүүхэд дуудагдсан тав дахь тохиолдол болох нь.

У.Тэргэл