Гадаад харилцааны сайд Б.Батцэцэг Исланд Улсын Гадаад хэргийн сайдын урилгаар Исланд Улсад айлчлал хийлээ. Энэхүү айлчлал нь Гадаад харилцааны сайдын түвшинд хийж буй анхны айлчлал гэдгээрээ онцлог байв. Мөн Монгол Улс Исланд Улстай 1974 оны зургаадугаар сарын 4-ний өдөр дипломат харилцаа тогтоосон байдаг. Ийнхүү уншигч та бүхэнд Гадаад харилцааны сайдын айлчлалаас онцлох мэдээллүүдийг хүргэе. 

НЭГ. ХОЁР УЛСЫН ХАМТЫН АЖИЛЛАГААГ ЭДИЙН ЗАСГИЙН АГУУЛГААР БАЯЖУУЛАХАД ДЭМЖИЖ АЖИЛЛАНА ГЭВ

Гадаад харилцааны сайд Б.Батцэцэг Испанийн Хаант Улсад хийж буй албан ёсны айлчлалынхаа хүрээнд Испанийн Хаант Улсын Сенатын Гадаад бодлогын байнгын хорооны дарга Ландалусе Хосе Игнасиотой уулзалт хийв. Талууд хоёр улсын гадаад бодлого, тэргүүлэх зорилтоор санал солилцож, ардчилал, хүний эрх, хууль дээдлэх зарчим зэрэг нийтлэг үнэт зүйлсэд суурилсан Монгол, Испанийн харилцааг нийгэм, эдийн засгийн олон салбарт өргөжүүлж, хоёр улсын хамтын ажиллагааг эдийн засгийн агуулгаар баяжуулахад хууль тогтоох байгууллагаас дэмжиж ажиллахаар тохиролцлоо. 

ХОЁР. ИСПАНИ ХЭЛЭЭР МЭРГЭШСЭН БОЛОВСОН ХҮЧИН БЭЛТГЭНЭ

Испанийн Хаант Улсад хийж буй албан ёсны айлчлалынхаа хүрээнд тус улсын Гадаад хэрэг, Европын холбоо, хамтын ажиллагааны яамны дэргэдэх Дипломат академид зочиллоо. Энэ үеэр Дипломат академийн захирал, Элчин сайд Сесилиа Роблес Картес академийн үйл ажиллагааг дэлгэрэнгүй танилцууллаа. Уулзалтын үеэр Гадаад харилцааны сайд Б.Батцэцэг дипломат ажилтнуудын чадавхыг шинэ тутам өөрчлөгдөж буй олон улсын харилцааны нөхцөл байдалтай уялдуулан сайжруулах, испани хэлээр мэргэшсэн боловсон хүчин бэлтгэх зэргээр тус академитай хамтран ажиллахаар тохиролцов. 

ГУРАВ. ХОЁР УЛСЫН ГАДААД ХАРИДЦААНЫ САЙД НАР АЛБАН ЁСНЫ ХЭЛЭЛЦЭЭ ХИЙВ

Гадаад харилцааны сайд Б.Батцэцэг Исланд Улсын Гадаад хэргийн сайд Торгердур Катрин Гуннарсдоуттиртай албан ёсны хэлэлцээ хийлээ.. Энэ үеэр Монгол, Исландын уламжлалт найрсаг харилцаа, хамтын ажиллагаа 50 гаруй жилийн хугацаанд харилцан итгэлцэл, ардчилал, хүний эрх, хууль дээдлэх ёс зэрэг нийтлэг үнэт зүйлст тулгуурлан хөгжиж буйг талууд онцолж, сэргээгдэх эрчим хүч, ногоон технологи, мал аж ахуй, хөнгөн үйлдвэрлэл, боловсрол, аялал жуулчлал зэрэг салбарт хамтын ажиллагааг өргөжүүлэхээр тохиролцов. 

ДӨРӨВ. ИСЛАНДЫН ЕРӨНХИЙЛӨГЧ ХАЛЛА ТОМАСДОТТИРТ БАРААЛХАВ

Энэ үеэр Гадаад харилцааны сайд Б.Батцэцэг Монгол Улсын Ерөнхийлөгч У.Хүрэлсүхийн мэндчилгээг уламжилж, Монгол Улсад төрийн айлчлалын хийхийг урилаа. Гадаад харилцааны сайд Б.Батцэцэг Монгол Улс “гуравдагч хөрш”-ийн бодлогынхоо хүрээнд Исланд Улстай эрчим хүч, хөнгөн үйлдвэрлэл, байгаль орчныг хамгаалах, аялал жуулчлал зэрэг салбарт хамтын ажиллагааг өргөжүүлэн хөгжүүлж, харилцааг эдийн засгийн агуулгаар баяжуулах өргөн боломж байгааг дурдаж, Монгол Улсын Ерөнхийлөгчийн ивээл дор ирэх 8 дугаар сарын сүүлээр Улаанбаатар хотноо зохион байгуулах дэлхийн бизнес эрхлэгч эмэгтэйчүүдийн форумд Хүндэт зочноор оролцоно гэдэгт итгэж байгаагаа илэрхийлсэн юм. 

ТАВ. МОНГОЛ УЛСЫН ГАДААД БОДЛОГО, ТҮҮНИЙ ТЭРГҮҮЛЭХ ЧИГЛЭЛ, ҮЙЛ АЖИЛЛАГААНЫ ТАЛААР ЛЕКЦ УНШИВ

Дипломат академид зочлох үеэрээ тус академид олон улсын харилцааны магистерын хөтөлбөрт суралцаж буй оюутнуудад Монгол Улсын гадаад бодлого, түүний тэргүүлэх чиглэл, үйл ажиллагааны талаар лекц уншсан юм. 

Монгол Улс Исланд Улстай 1974 оны зургаадугаар сарын 4-ний өдөр дипломат харилцаа тогтоосон байдаг. Өнгөрсөн жил дипломат харилцаа тогтоосны 50 жилийн ой болсон.