БАРИМТ 1
Түүнийг Түвдэндорж овогтой Өсөх-Ирээдүй гэдэг.
БАРИМТ 2
Сэлэнгэ аймгийн Орхонтуул сумын уугуул, үндэсний бөхийн улсын харцага юм.
БАРИМТ 3
1981 оны зургадугаар сарын 25-нд төрсөн.
БАРИМТ 4
2002 онд Сэлэнгэ аймгийн наадамд түрүүлж Аймгийн арслан цол хүртсэн.
БАРИМТ 5
2006 оны Улсын баяр наадмаар Улсын начин Ч.Мөнхтогтохоор гурав, Улсын начин Л.Наранбаатараар дөрөв, Улсын харцага Д.Батболдоор тав давж "Монгол улсын начин цол" хүртжээ. Улмаар зургаагийн даваан Улсын заан Ц.Мягмарсүрэнд унасан.
БАРИМТ 6
Улмаар 2007-2009 оны баяр наадмуудад гурван удаа дараалан дөрөв давж, тав дээр унажээ.
БАРИМТ 7
2010 оны Улсын баяр наадамд гурвын даваанд Улсын начин Н.Баярмагнайг, дөрвийн даваанд Улсын өсөх идэр, өрнөн дэлгэрэх начин Э.Энхбатыг, тавын даваанд Улсын начин байсан Улсын арслан Ц.Содномдоржийг хаяж, "Өсөх идэр" чимэг хүртсэн.
БАРИМТ 8
Дараа жил нь 2011 онд дөрвийн даваанд Увс аймгийн арслан Н.Ганзоригийг, тавын даваанд Улсын начин Л.Нямсүрэнг, зургаагийн даваанд Аймгийн арслан байсан Улсын начин Б.Амарзаяаг тус тус хаяж Улсын харцага цол хүртжээ.
БАРИМТ 9
Тэрбээр Улсын баяр наадамд "найман удаа дөрөв давсан" ховор амжилтыг үзүүлжээ.
БАРИМТ 10
"Таван Хан" дэвжээ, "Алдар" спорт хороо, "ЗХ-189" анги, "Монгол Бүтээл" ХХК-ийн бөх.
БАРИМТ 11
Биеийн өндөр 178 см.
БАРИМТ 12
Тэрбээр сар шинийн аль ч барилдаанд шөвгөрч байгаагүй.
БАРИМТ 13
Монгол бөхийн өргөөнд зургаан удаа түрүүлсэн.
БАРИМТ 14
Хамгийн анх 2007 онд Чингэлтэй дүүргийн 15 жилийн ойн барилдаанд Улсын харцага Л.Пүрэвжавыг хаян түрүүлж байв.
БАРИМТ 15
Харин хамгийн сүүлд 2011 онд Монгол Цэргийн өдөр Зэвсэгт хүчний 90 жилийн ойн барилдаанд түрүүлжээ.
БАРИМТ 16
Тэрбээр Монгол бөхийн өргөөнд 10 удаа үзүүрлэсэн.
БАРИМТ 17
Мөн 14 удаа их шөвөг, 14 удаа дунд шөвөгт шалгарчээ.
БАРИМТ 18
Анх 17 насандаа "Алдар" спорт хороонд элсэж байсан тэрбээр өдгөө тус хорооныхоо үндэсний бөхийн дасгалжуулагчаар ажиллаж буй.
БАРИМТ 19
Түүний шавь нараас Улсын арслан Б.Орхонбаяр, Аймгийн хурц арслан Б.Амгаланбаатар, Аймгийн арслан Х.Наранбаяр, Б.Төрбат нарыг нэрлэж болно.
БАРИМТ 20
Тэрбээр дасгалжуулагч хийхийн хажуугаар NTV сувгийн бөхийн тайлбарлагчаар ажиллаж байна.
БАРИМТ 21
Тэрбээр багын л онц сурдаг, хөдөлмөрч, малч ухаантай байсан гэдэг.
БАРИМТ 22
Түүний аав Түвдэндорж нь Аймгийн алдарт уяач цолтой.
БАРИМТ 23
Түүний хамгийн чанга өрсөлдөгчийн нэг нь Улсын заан М.Өсөхбаяр байжээ. Түүнд тэр 20 гаруй удаа унаж байсан тухайгаа дурсан ярьжээ.
БАРИМТ 24
Тэрбээр аймгийн цолтой бөхчүүдийн барилдаанд дөрвөн удаа түрүүлж байжээ.
