Баримт 1
Тэрбээр 1963 эсвэл 1964 онд Андун хотын буурай гэр бүлд төржээ.
Баримт 2
Өсвөр насандаа тэр хэд хэдэн үйлдвэрт хууль бусаар ажиллаж, ажлын байрны ослын улмаас зүүн бугуй нь хүнд гэмтэж хөдөлмөрийн чадвараа алдаж байжээ.
Баримт 3
Эдийн засгийн хүндрэлээс болж дунд сургуулиа завсардуулсан ч дараа нь шалгалтаар нөхөн төгссөн.
Баримт 4
И Жэ Мён сургуульдаа хичээнгүй суралцсаны үр дүнд Чун-Ан их сургуулийн Хуулийн сургуульд тэтгэлгээр элсэн орсон юм. 1986 онд тус сургуулийг төгсөж, хуульч болсны дараа тэрбээр хөдөлмөрийн хууль болон хүний эрхийн асуудалд анхаарч ажиллажээ.
Баримт 5
Өмгөөлөгчөөр ажиллахдаа хүний эрх, хөдөлмөрийн маргаан, нийгмийн эмзэг бүлгийн иргэдийг түлхүү өмгөөлдөг байв.
Баримт 6
Тэрбээр улс төрийн гараагаа орон нутгийн удирдлагаас эхэлсэн.
Баримт 7
Тэрбээр 2005 онд Ардчилсан намд элсэж улс төрийн карьераа эхлүүлжээ. Дараа жил нь И Жэ Мён Соннам хотын даргын сонгуульд өрсөлдсөн ч ялагдсан юм.
Баримт 8
Тэрбээр үүний дараа хэд хэдэн удаа сонгуульд өрсөлдөөд амжилт олоогүй ч 2010 онд Соннам хотын даргаар сонгогдож, 2014 онд улиран сонгогдсон байна.
Баримт 9
Тухайлбал, 2010-2018 онд Соннам хотын захирагчаар ажиллаж, халамжийн бодлогоороо олны танил болсон.
Баримт 10
Соннамын даргаар ажиллаж байх үедээ шулуухан, ширүүн өнгө аястай илтгэл тавьж, үг хэлдгээрээ алдаршсан тэр мөрийн хөтөлбөрийн амлалтаа бодитоор хэрэгжүүлдэг гэдгээрээ үнэлэгддэг болсон юм.
Баримт 11
2018 онд тэрбээр БНСУ-ын хамгийн олон хүн амтай бүс нутаг болох Кёнги мужийн захирагчаар сонгогджээ. Ковидийн цар тахлын үеэр түүний баримталсан бодлогыг иргэд сайшаасан байдаг.
Баримт 12
Цар тахлын үеэр тэр засгийн газартай зарим асуудлаар санал зөрөлдсөн ч хямралыг бодитой, үр дүнтэй шийдвэрлэхийг чухалчилснаараа олон хүний дэмжлэгийг хүртсэн байна.
Баримт 13
Тэрээр БНСУ-ын Ардчилсан намын (Democratic Party) гол лидерүүдийн нэг.
Баримт 14
Ерөнхийлөгчийн сонгуульд нэг бус удаа нэр дэвшиж байсан.
Баримт 15
Түүний улс төрийн замнал тасралтгүй ахисаар ирсэн ч шүүмжлэл дагуулсан зүйлс бий. 2025 онд түүнд хээл хахууль авсан, сонгуулийн тухай хууль зөрчсөн зэрэг хэд хэдэн эрүүгийн хэрэг үүсжээ. И Жэ Мён эдгээр хэргийг улс төрийн зорилготой үүсгэсэн гэж тухайн үедээ мэдэгдэж байсан юм.
Баримт 16
Өмнөх ерөнхийлөгч болох Юн Сок Ёлыг огцруулсны дараа буюу зургаадугаар сарын 3-нд Өмнөд Солонгос ерөнхийлөгчийн ээлжит бус сонгууль зохион байгуулсан.
Баримт 17
И Жэ Мён тэрхүү сонгуульд ялалт байгуулж, 2024 оны сонгуулиар Ардчилсан нам парламентад олонх болсон тул тэр мөрийн хөтөлбөрөө чөлөөтэй хэрэгжүүлэх болжээ.
Баримт 18
Тэрбээр 2025 онд Ерөнхийлөгчөөр сонгогдоод Эдийн засгийн өсөлт, иргэдийн амьжиргааг сайжруулахыг тэргүүлэх зорилтоо болгожээ.
Баримт 19
Мөн хиймэл оюун ухаан, өндөр технологийн салбарт хөрөнгө оруулалтыг нэмэгдүүлэхийг дэмждэг.
Баримт 20
Хойд Солонгостой яриа хэлэлцээг үргэлжлүүлэх нь чухал гэж үздэг.
Баримт 21
Тэрээр илтгэл, олон нийтийн уулзалтад энгийн, шууд үг хэллэг хэрэглэдгээрээ танигдсан. Нийгмийн сүлжээгээр иргэдтэйгээ тогтмол харилцдаг улс төрчдийн нэг.
Баримт 22
И Жэ Мёны рейтинг ерөнхийлөгчийн бүрэн эрхийн эхний жилийнхээ ихэнх хугацаанд 60 орчим хувь байжээ. Гэвч энэ жилийн зургаадугаар сарын үеэр орон нутгийн сонгуульд саналын хуудас дутсаны улмаас түүний рейтинг анх удаа 50 хувиар буурсан.
Баримт 23
Монгол Улсын Ерөнхийлөгч У.Хүрэлсүхийн урилгаар БНСУ-ын Ерөнхийлөгч И Жэ Мён гэргий Ким Хе Гён-ы хамт манай улсад айлчилж байна. Энэхүү айлчлал БНСУ-ын төрийн тэргүүн 2011 онд манай улсад айлчилснаас хойш 15 жилийн дараа болж байгаа юм.
Баримт 24
Айлчлалаар хоёр улс газрын ховор элемент, эрчим хүч, эдийн засаг, дэд бүтэц болон стратегийн хамтын ажиллагааг шинэ шатанд гаргах асуудлуудыг хэлэлцэнэ.
