БАРИМТ 1
Монголын газар нутгийн 70 орчим хувь нь бэлчээр. Бэлчээр нь мал аж ахуй, хүнсний аюулгүй байдал, хөдөө орон нутгийн эдийн засгийн үндэс болдог.
БАРИМТ 2
Бэлчээр зөвхөн малын тэжээл биш. Хөрс, усны эргэлт, биологийн олон янз байдлыг хамгаалахад чухал үүрэгтэй.
БАРИМТ 3
Судалгааны аргаас шалтгаалан Монголын бэлчээрийн доройтлын үнэлгээ 22–95 хувь хүртэл хэлбэлздэг.
БАРИМТ 4
2025 оны судалгаагаар бэлчээрийн 65 хувь нь доройтсон гэжээ. Судлаачид байгалийн анхны төлөвтэй харьцуулахад Монголын бэлчээрийн 65 хувь ямар нэг хэмжээгээр доройтсон гэж үнэлсэн.
БАРИМТ 5
Харин хүнд доройтол бүх нутагт адил биш. Нэг судалгаагаар маш хүнд, буцаахад хүндрэлтэй доройтол нийт нутгийн 1–18 хувь орчимд байж болохыг тогтоожээ.
БАРИМТ 6
Бэлчээрийг зөвхөн малын тоогоор тайлбарлах боломжгүй. Бэлчээрлэлтээс гадна ган, хур тунадас, температур, уур амьсгалын өөрчлөлт зэрэг олон хүчин зүйл нөлөөлдөг.
БАРИМТ 7
Бэлчээрийг амраах нь сэргээх нэг арга. Сэлгээтэй бэлчээрлэлт, тодорхой хугацаанд амраах, хамтын менежмент нь доройтлыг бууруулахад тустай.
БАРИМТ 8
Бэлчээрийн доройтол малчны орлогод нөлөөлнө. Өвс, тэжээл багасах нь малын ашиг шим, улмаар мах, сүү, ноолуурын үйлдвэрлэлд нөлөөлдөг.
БАРИМТ 9
Доройтсон бэлчээрийг сэргээж болно. Ялангуяа доройтол эрт үедээ байвал менежментийг өөрчилж, байгалийн нөхөн сэргэх боломжийг нэмэгдүүлэх боломжтой.
БАРИМТ 10
Ногоон харагдаж байна гэдэг эрүүл бэлчээр гэсэн үг биш. Ургамлын төрөл зүйл, биомасс, тэжээлийн чанар, хөрсний байдал зэрэг олон үзүүлэлтээр бэлчээрийн эрүүл мэндийг үнэлдэг.
БАРИМТ 11
Бэлчээрийн асуудал дэлхийн анхаарлын төвд байна. COP17-оор бэлчээрийг сэргээх, малчдын амьжиргаа болон тогтвортой менежментийн асуудлыг олон улсын түвшинд хэлэлцэж байна.
БАРИМТ 12
Бэлчээрийг хамгаалах гол асуулт нь “хэдэн малтай вэ?” биш. Хамгийн чухал нь бэлчээрээ хэрхэн зөв ашиглаж, сэргээж, хамгаалах вэ? гэдэгт байгаа юм.
