БАРИМТ 1

Тэрбээр 1998 оны 11 дүгээр сарын 05-нд мэндэлсэн. 

БАРИМТ 2

Ихэр Мөнх ХХК, Их Монголын хүчтэн дэвжээний бөх.

БАРИМТ 3

Өвөрхангай, Бат-Өлзий сумын уугуул. 

БАРИМТ 4

2019 онд Сумын заан цолонд хүрсэн. 

БАРИМТ 5

Сумын цолтой болон залуу бөхчүүдийн барилдаанд хоёр удаа тав, нэг удаа зургаа давжээ. 

БАРИМТ 6

Мөн хоёр удаа ёс даван үзүүрлэсэн. Эхнийх нь 2026 оны нэгдүгээр сар, удаах нь 2026 оны гуравдугаар сар.

БАРИМТ 7

2026 оны нэгдүгээр сард үзүүрлэхдээ тавын даваанд Сумын заан П.Нямжавыг, зургаагийн даваанд Б.Жандосыг, долоогийн даваанд Ц.Бямбацогтыг, наймын даваанд З.Нямдоржийг, есийн даваанд О.Учралбаярыг давжээ. Үзүүр түрүүнд Увс аймгийн сумын заан Д.Мөнх-Отгонд өвдөг шорооджээ. 

БАРИМТ 8

2026 оны гуравдугаар сард үзүүрлэхдээ тавын даваанд Б.Лхагварагчааг, зургаагийн даваанд Г.Ганбаярыг, долоогийн даваанд Д.Саранцогтыг, наймын даваанд П.Нямжавыг, есийн даваанд Б.Золбаярыг давжээ. Улмаар үзүүр түрүүнд Орхон аймгийн харьяат Ц.Баярсайханд унажээ. 

БАРИМТ 9

Улмаар тэр өчигдөр сумын заануудын барилдааны анхны түрүүгээ авч, цолондоо томдсон бөх гэдгээ харууллаа. 

БАРИМТ 10

Түрүү хүртэхдээ тавын даваанд Б.Баярмагнайг, зургаагийн даваанд М.Мандахбаярыг, долоогийн даваанд Д.Мөнх-Отгоныг, наймын даваанд Б.Цэнд-Очирыг, есийн даваанд гоц мөргөж, арвын даваанд Сумын заан О.Учралбаярыг тус тус хаяжээ. 

БАРИМТ 11

Аймаг цэргийн цолтны барилдаанд нэг удаа гурав давж байжээ. Тэгэхдээ нэгийн даваанд аймгийн арслан П.Эрхэмжаргалыг, хоёрын даваанд Аймгийн хурц арслан С.Ариунбилэгийг, гурвын даваанд аймгийн арслан Н.Намнансүрэнг тус тус хаяжээ. 

БАРИМТ 12

Алтан цомын төлөөх барилдааны Сумын заануудын барилдаанд тав барилдаж дөрөв давсан. 

БАРИМТ 13

Тэрбээр өнөө жил Өвөрхангай аймагтаа цол горилж барилдсан. Нэгийн даваанд аймгийн начин П.Авирмэдийг, хоёрын даваанд аймгийн арслан Д.Болдбаатарыг, гурвын даваанд аймгийн начин Д.Сумъяабазарыг давсан. Улмаар дөрвийн даваанд Улсын харцага Х.Гантулгад унасан. 

БАРИМТ 14

2025 оны Өвөрхангай аймгийн баяр наадамд мөн л гурав давж, дөрвийн даваанд түрүү бөх Аймгийн заан Б.Баянсүхэд унасан юм. 

БАРИМТ 15

Түүний аав уяач хүн байдаг. Түүний хүндэлж явдаг бөх нь сүмогийн их аварга Д.Дагвадорж ажээ. 

Өчигдөр болсон Сумын цолтон залуу бөхчүүдийн намрын нээлт, 137 дахь удаагийн барилдаанд 576 бөх уран мэх, авхаалж самбаа сорин барилдсанаас Өвөрхангай аймгийн Бат-Өлзий сумын харьяат, Ихэр Мөнх ХХК, Их Монголын хүчтэн дэвжээний бөх, сумын заан Дорждэрэмийн Сундуй түрүүллээ.