Хятадын цахилгаан автомашин үйлдвэрлэгчид гадаад зах зээлд борлуулалтаа эрчимтэй нэмэгдүүлж, дотоодын зах зээлийн сул эрэлтийг нөхөж эхэлжээ.
Хятадын хамгийн том цахилгаан автомашин үйлдвэрлэгчдийн нэг болох Би-Уай-Ди зургадугаар сард дэлхий даяар 403 мянга гаруй автомашин борлуулсан нь өнгөрсөн оны мөн үеэс 5.5 хувиар өссөн үзүүлэлт болжээ. Үүний гол шалтгаан нь экспортын хэмжээ бараг хоёр дахин нэмэгдсэнтэй холбоотой аж. Харин Хятадын дотоодын борлуулалт өмнөх оны мөн үеэс 22 хувиар буурсан байна.
Шинжээчдийн үзэж буйгаар төрөөс олгодог худалдан авалтын татаас багассан, үл хөдлөх хөрөнгийн салбарын хүндрэл, хэрэглэгчдийн худалдан авах чадвар суларсан зэрэг нь автомашины эрэлтийг бууруулжээ. Харин үйлдвэрлэгчид Европ, Зүүн Өмнөд Ази, Латин Америкийн зах зээлд экспортоо нэмэгдүүлснээр өсөлтөө хадгалж байна.
Салбарын судлаачид Хятадын автомашин үйлдвэрлэгчид ойрын жилүүдэд гадаад зах зээлд эзлэх байр сууриа улам тэлэх төлөвтэй байгаа ч дотоодын зах зээл дэх үнийн ширүүн өрсөлдөөн үргэлжлэхийг анхааруулжээ.
