БАРИМТ 1
Тэрбээр 1990 оны 12 дугаар сарын 21-нд төрсөн.
БАРИМТ 2
Архангай аймгийн Цэнхэр сумын уугуул.
БАРИМТ 3
"Бөхбилэгт" дэвжээ, "Алдар" спорт хороо, "Нутгийн Буян" ХХК-ийн бөх.
БАРИМТ 4
Биеийн өндөр 186 см, 130 орчим кг жинтэй.
БАРИМТ 5
2009 онд Сумын начин болсон. Улмаар 2012 оны Архангай аймгийн баяр наадамд сумын заан Б.Мөнх-Эрдэнээр найм даван түрүүлж “Аймгийн арслан” цол хүртсэн.
БАРИМТ 6
2016 оны Бүх цэргийн баяр наадамд цэргийн начин Д.Цэрэнтогтоход өвдөг шороодон үзүүрлэж “Бадрангуй” чимэг хүртсэн. 2017 оны Бүх цэргийн баяр наадамд тав давж шөвгөрөн “Нэмэх” чимэг хүртсэн.
БАРИМТ 7
2017 оны АХ-ын 96 жилийн ойн баяр наадамд улсын заан Б.Соронзонболдоор дөрөв, улсын гарьд Ж.Бат-Эрдэнээр тав, улсын начин Ч.Батчулуунаар зургаа даван шөвгөрч ”Монгол улсын харцага” цолыг хүртсэн.
БАРИМТ 8
2020 оны Ардын хувьсгалын 99 жилийн ойн баяр наадамд аймгийн арслан Б.Мөнх-Эрдэнээр дөрөв, аймгийн арслан Н.Хүрэлсүхээр тав, аймгийн арслан Х.Цогтгэрэлээр зургаа, улсын арслан Р.Пүрэвдагваар долоо давж ”Монгол улсын заан ” цолыг хүртсэн. 2021-2020 онд даян аварга байсан одоогийн Дархан аварга Н.Батсуурь сэргээш хэрэглэсэн нь илэрсэн тул нөхөн ”Монгол улсын гарьд” цолыг нь нөхөн олгожээ.
БАРИМТ 9
Аймгийн арслан цолтой байхдаа 2014-2017 оны хооронд гурван удаа түрүүлжээ.
БАРИМТ 10
Аймгийн цолтой мөн гурван удаа үзүүрлэсэн. Тодруулбал, 2016 оны Бүх Цэргийн Наадам, Мичин жилийн сар шинийн баярт зориулсан аймаг цэргийн цолтой бөхчүүдийн барилдаан, Увс аймгийн Зүүнхангай сумын харъяат, МУ-ын начин Д. Жанчивдоржийн нэрэмжит Аймаг цэргийн цолтой бөхийн барилдаануудад үзүүрлэж байжээ.
БАРИМТ 11
Улсын цолтой Бөхийн өргөөнд нийт долоон удаа түрүүлж, таван удаа үзүүрлэж байв.
БАРИМТ 12
Мөн улсын цолтой найман удаа их шөвөгт шалгарч байв.
БАРИМТ 13
Улмаар Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадамд ес даван түрүүлсэн.
БАРИМТ 14
Гэвч түүний шинжилгээнээс хориотой бодис илэрсэн тул "Улсын арслан" цолыг нь хурааж, 2027 оны долдугаар сарын 13-ныг хүртэл барилдах эрхийг нь хураасан юм.
БАРИМТ 15
Түүний барилдах эрх 2027 оны Улсын баяр наадмын дараа буюу 2027 оны долдугаар сарын 12-нд сэргэхээр байгаа.
БАРИМТ 16
Түүний улсын наадмын түрүү хүчингүй болсноор Ц.Бямба-Отгон Улсын арслан, С.Сүхбат Улсын заан, Э.Даш Улсын харцага, Б.Баянмөнх Улсын начин болсон. Мөн Улсын аварга О.Хангай чимэг нэмсэн билээ.
БАРИМТ 17
Түүний арслан цолны мялаалга наадамд 2023 оны баяр наадамд түүнд унаж үзүүр булаагаад байсан одоогийн Улсын арслан Ц.Бямба-Отгон түрүүлж байв.
