“Будапешт-2025” жүдо бөхийн ДАШТ-ий хоёр дахь өдөр өнөөдөр тохиож байна. Өнөөдөр манай улсаас эмэгтэй -63 кг жинд Л.Энхрийлэн, Б.Ганхайч, эрэгтэй -81 кг жинд О.Шинэбаяр нар зодоглоно. Тэднийг танилцуулж байна. 

Лхагватогоогийн Энхрийлэн 

Монгол Улсын шигшээ багийн болон Сүлд спорт хорооны жүдо бөхийн 57 кг жинд барилддаг эмэгтэй тамирчин. Монгол Улсын гавьяат тамирчин, Дэлхийн аварга шалгаруулах тэмцээний хошой хүрэл медальт, Азийн аварга, 160 см өндөртэй, 26 настай. Тэрбээр 2017 оны өсвөрийн ДАШТ-ээс мөнгөн медөль хүртсэн. 2022, 2023 оны насанд хүрэгчдийн ДАШТ-ээс хүрэл медальтай. 2022 оны Улаанбаатарын Их дуулгаас алтан медаль хүртэж байсан. Тэрбээр Их дуулга тэмцээний таван хүрэлтэй. Азийн АШТ-ий иж бүрэн медальтай. 

Болдын Ганхайч 

Тэрбээр 30 настай. 2025 оны Душанбегийн Их дуулгын аварга. Энэ ангилалд мөн нэг мөнгө, дөрвөн хүрэл медальтай. ААШТ-ий алт, хоёр мөнгө, нэг хүрэлтэй. Тэрбээр насанд хүрэгчдийн ДАШТ-д ес дэх удаагаа оролцох гэж байна. Тэрбээр 2019 онд уг тэмцээний хамгий өндөр амжилтаа үзүүлсэн нь долдугаар байрт шалгарсан явдал юм. 

Оюунчимэгийн Шинэбаяр

25 настай, ид үедээ яваа залуу тамирчин тэрбээр 2019 оны өсвөр үеийн ААШТ-ээс мөнгөн медаль хүртэж байжээ. Энэ нь түүний хоёр дахь ДАШТ байх юм. Өмнө нь тэр 2019 онд Мароккоп болоход оролцож байжээ. 

Л.Баяр