Засгийн газрын хуралдаанаас гаргасан шийдвэрийг ЗГХЭГ-ын дарга С.Бямбацогт танилцууллаа.

Тэрбээр "Засгийн газрын бүтэц, бүрэлдэхүүний тухай хуулийг өөрчлөх асуудлыг хэлэлцэж, УИХ-д өргөн мэдүүллээ. Үүгээр асуудлыг шийдэж байна вэ гэвэл, өөрчлөлтийг өөрсдөөсөө эхэлж, данхар бүтцийг дарга нараас эхэлж цомхотгож, төрийн албыг цомхон бүтээмжтэй болох зорилго тавьж байгаа. Төрийн хэмнэлтийг бий болгож, төсвийн хөрөнгийг үр ашигтай зарцуулах, төрийн албыг цомхон чадварлаг болгох асуудлыг хэлэлцэн шийдсэн. 

30 орчим Үндэсний хороо буюу 50 хувийг нь татан буулгахаар шийдвэрлэлээ. Яамдын орон тоог цөөлөх асуудлыг авч хэлэлцэж байгаа.

Яам, агентлагийн газар, хэлтэсийн дарга нар гэж маш их хүнд сурталтай, гарын үсгээ үнэлдэг, шан харамж авдаг, иргэдийг чиргэдүүлдэг асуудал байдаг. Тиймээс хариуцлагатай болгоно.

16 яаманд 1900 ажилтан ажиллаж байна. Үүнийг 20 орчим хувиар бууруулна.

Стратегийн ордын тодорхой хувийг төрд авах асуудал дээр БЭТ Ж.Батзандан, ЗГХЭГ-ын дарга хоёр ажиллаж байгаа давхардсан чиг үүргийг нэгдмэл болгоно.

Мөн ордын асуудлыг шийдвэрлэх ажлын хэсэг байгуулахаар боллоо" гэлээ. 

М.Жаргал