Эдийн засаг хөгжлийн сайд Н.Учрал зөвлөлөө бүрдүүлж анхны хуралдаанаа хийлээ. Түүний бүрдүүлж буй сайдын зөвлөлд Гавьяат эдийн засагч, Сангийн сайд асан Ч.Улаан, Эдийн засаг, хөгжлийн яамны Төрийн нарийн бичгийн дарга И.Батхүү, Эдийн засагч, Доктор, Профессор Ч.Хашчулуун нарын найман хүн багтжээ. Бүрэлдэхүүнд 2020 оны сонгуулиас хойш сураг алдарсан Сангийн сайд асан Ч.Улаан багтсан аж.

Тэрбээр 1992 оноос улс төрийн өндөр алба тушаал хашиж эхэлсэн бөгөөд УИХ-д зургаан удаа сонгогдож байсан нэгэн. 

Тэрбээр 1954 оны  дөрөвдүгээр сарын 22-нд Сүхбаатар аймгийн Баруун-Урт суманд төрсөн. 1972 онд Нийслэлийн 10 жилийн 28 дугаар дунд сургууль, 1977 онд ЗХУ-ын Эрхүү хотын Улс ардын аж ахуйн дээд сургуулийг инженер-эдийн засагч мэргэжлээр, 1992 онд ОХУ-ын Москва хотын Удирдлагын академийг тус тус төгссөн. Доктор, профессор.

1977-1985 онд Улсын төлөвлөгөөний комисст мэргэжилтэн, хэлтсийн даргаар ажлын гараагаа эхэлж, 1985 1990 онд МАХН-ын Төв хороонд зааварлагч, тасаг, хэлтсийн эрхлэгчээр дэвшиж байсан.

1992-1996 онд Үндэсний хөгжлийн газрын дарга, сайд,

1996-2000 онд УИХ-ын гишүүн

2000-2004 онд УИХ-ын гишүүн, Сангийн сайд,

2004-2008 онд УИХ-ын гишүүн,

2004-2006 онд Монгол Улсын Засгийн газрын Шадар сайд,

2004-2009 онд Үндэсний хөгжлийн хүрээлэнд захирал,

2006-2007 онд УИХ-ын Төсвийн байнгын хорооны дарга,

2007-2008 онд Монгол Улсын Засгийн газрын гишүүн, Сангийн сайд,

2008-2012 онд УИХ-ын гишүүн,

2012-2016 онд УИХ-ын гишүүн, Сангийн сайд,

2016-2020 онд  УИХ-ын гишүүнээр ажилласан.

Сайдын зөвлөл нь орон тооны бус, цалингүй бөгөөд шаардлагатай нөхцөлд хуралдаж, шадар сайдтай зөвшилцөх үүрэгтэй юм.