Цахим орчинд бүлэг сурагчид нэгнээ зодог, дээрэлхэж байгаа бичлэг олон нийтийн эгдүүцлийг хүргээд буй. Тэгвэл уг асуудал дээр бөхчүүд юу хэлснийг түүвэрлэн хүргэж байна.
Улсын аварга П.Бүрэнтөгс
Энэ нийгэмд ёс зүй, хүн байх гэдэг асуудал амин чухал хэрэгтэй байна. Ялангуяа сургалтын системд...
Улсын заан Н.Жаргалбаяр
"Үе тэнгийн дээрэлхэлт дэлгэрчээ. Хариуцсан хүмүүс нь ажлаа хиймээр юм даа. Ийм хүүхдүүдийг хувийн хэрэг дээр нь бичдэг, олон нийтэд зарлаж цаашид учирч болох эрсдлээс сэргийлэх хэрэгтэй... Хөвгүүдийг хүмүүжилгүй сахилгагүй гэдэг ч охидууд бас ижил болжээ. Тэр дэмжээд хөөрөөд байгаа хүүхдүүдэд хариуцлага тооцох хэрэгтэй. Ийм байдалаас хүний амь нас эрсэдвэл яах вэ!!! Мөнгөтэй эрх мэдэлтэй л бол юу ч хийсэн болно гэсэн сэтгэхүй өсвөр насныханд нэвт суужээ. Хүүхэд дээрэлхэж, дарамталсан үйлдэл нь нотлогдвол их сургуульд орох эрхийг нь түдгэлзүүлдэг байх хэрэгтэй.
Улсын начин Н.Мустафа
Эцэг эхчүүд хүүхдүүдээ хувийн мундаг том сургуульд өгөх эсвэл ямар нэгэн давтлага юу байдаг юм, тэрэнд өгч байгаагаараа уралдаж байх шиг санагддаг юм. Миний бодлоор эхлээд хүн болж төлөвших ёстой. Нийгэмшээд бусаддаа гай болохгүй байх, мөн дээрэлхэлт бие биенээ ялгаварлан гадуурхаж болохгүйн талаар зааж өгвөл илүү ирээдүй нийгэм маань гэрэл гэгээтэй болох байх. Спортоор хичээллэвэл илүү даруу төлөв болох магадлал өндөр шүү. Мэдээж энэ бүхнээ сурсны дараа мэдлэг боловсрол, хувийн ур чадвараа дээшлүүлэлгүй яах вэ. Эцэст нь ийм үйлдэл хийж буй хүүхдүүдэд хатуу арга хэмжээ авах хэрэгтэй.
Л.Баяр
