Хаяанд ирээд буй УИХ-ын намрын ээлжит чуулганаар хэлэлцэхээр төлөвлөж буй хуулийн төслүүдээс олны анхаарлын төвд байгаа асуудлуудыг онцлон хүргэж байна.

Тухайлбал, НӨАТ, Хэвлэл мэдээллийн эрх чөлөөний тухай хууль, жагсаал цуглаан хийх эрх чөлөөний тухай зэрэг хуулийн төслүүд болно. Жишээ нь, Нэмэгдсэн өртөгийн албан татварын хувь хэмжээний талаарх асуудлаар Ерөнхий сайд Г.Занданшатарыг УИХ-ын дарга байх үед нийтийн дунд санал асуулга ид өрнөж байсныг бүгд санаж байгаа биз ээ. 

Чухамдаа нийгэмд өрнөсөн олон үйл явдал, түүний үр дагавар "сайн хууль" хэрэгтэйн дохио болоод буй.

Иймд ирэх сарын 15-нд нээх УИХ-ын намрын чуулганаар хэлэлцэх асуудлуудыг чих тавин сонсож, анхаарал хандуулахаас аргагүй юм. 

Чих тавин сонсож, анхаарал хандуулахаас аргагүй асуудлууд

-Монгол Улсын 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай, Үндэсний баялгийн сангийн 2026 оны төсвийн тухай болон холбогдох бусад хууль, тогтоолын төсөл;

-Хэвлэл мэдээллийн эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;

-Жагсаал, цуглаан хийх эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;

-Малын индексжүүлсэн даатгалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл;

-Нийтийн өмчийн хууль /Шинэчилсэн найруулга/-ийн төсөл болон хамт өргөн мэдүүлсэн хууль, тогтоолын төслүүд;

-Эрхтэн, эд, эс шилжүүлэн суулгах тухай хуулийн төсөл болон хамт өргөн мэдүүлсэн хуулийн төслүүд; 

-Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл; Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төсөл болон хамт өргөн мэдүүлсэн хуулийн төслүүд; Нэмэгдсэн өртгийн албан татварын тухай хуульд өөрчлөлт оруулах тухай хуулийн төсөл;

-Хүнсний бүтээгдэхүүний аюулгүй байдлыг хангах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль,тогтоолын төслүүд;

-Боловсролын ерөнхий хуульд нэмэлт, өөрчлөлт оруулах тухай хуулийн төсөл;

-Монгол Улсын Их Хурлын тухай хуульд нэмэлт оруулах тухай хуулийн төсөл;

-Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл;