Монгол Улсын 2026 оны нэгдсэн төсвийн төслийг Ерөнхий сайд Г.Занданшатар танилцууллаа.

Тэрбээр "2025 онд төсвийн зарлага 35.1 их наяд төгрөг байсан бол 32.2 их наяд болж, 3 их наяд орчим төгрөгөөр бууруулж, хэмнэлтийн бодлого хэрэгжүүлж байна. Уул уурхай, нүүрс, алтны үнэ өсөхөөр л дагаад бүх урсгал зардлаа нэмдэг, дараа нь өрөнд ордог, гадаад өрийн дарамт асар ихээр нэмэгддэг жишгийг үүгээр халж байна. Энэ утгаараа хэмнэлтийн төсөв боллоо. 2025 онд нийт төрийн албан хаагчдын тоо 231 мянга орчим байсан бол одоо 218 мянга болж, төрийн албаны хязгааргүй тэлэлтийг анх удаа хязгаарлаж байна. Цаашдаа 2025 оны тодотголын түвшингөөс нэмэхгүй байх зарчим баримталж байна. 

Дан уул уурхайгаас хамааралтай эдийн засгаа өсөн үржин, урган төлждөг баялгаа арвижуулсан төсөв болгосон. 2000 орчим км замыг шинээр барина. Эрчим хүчний хараат бус байдлыг цэгцэлж, 2026 онд 3.9 их наядыг зарцуулна" гэв.