Террафүгиа компани энэ долоо хоногийн эхээр өөрсдийн шинэ машиныг
танилцууллаа, түүгээр нисч болдог. Тус компаний дараагийн зорилго нь
ирэх жилээс уг машинаа худалдаанд гаргах явдал. Нисдэг машин нь хоёр
хүний суудалтай, дөрвөн дугуйтай, эвхэгддэг хоёр далавчтай. Өнгөрсөн
сард уг машин туршилтын нислэгээр найман минутад 1400 фит буюу 420 орчим
метр өндөрт хөөрсөн байна. Террафүгиа компани энэ долоо хоногийн эхээр өөрсдийн шинэ машиныг танилцууллаа, түүгээр нисч болдог. Тус компаний дараагийн зорилго нь ирэх жилээс уг машинаа худалдаанд гаргах явдал. Нисдэг машин нь хоёр хүний суудалтай, дөрвөн дугуйтай, эвхэгддэг хоёр далавчтай. Өнгөрсөн сард уг машин туршилтын нислэгээр найман минутад 1400 фит буюу 420 орчим метр өндөрт хөөрсөн байна.
Ирэх долоо хоногт Нью-Йорк хотод болох авто шоуны үеэр уг машиныг бүрэн эхээр нь танилцуулахаар зэхсэн бөгөөд үйлдвэрлэгдэхээс нь өмнө 100 гаруй хүн авахаар урьдчилгаа 10 000 доллар төлжээ.
Шинэ машиныг борлуулах үнэ нь 279 000 ам.доллар байгаа аж. Авто шоуны үеэр олон нийтэд танилцуулах ч агаарын замыг турших боломжгүй байгаа юм.
1930-аад оноос хойш энэ машиныг бүтээхээр оролдож эхэлсэн хэмээн “Террафүгиа” компаний мэргэжилтэн Роберт Мэнн хэлсэн байна. Автомашины цахилгаан хяналтын газраас шаардлагатай зөвшөөрлийг авч, стандартыг хангасан машин гэдгийг ч хэллээ. Тус компанид Холбооны агаарын удирдах газар таван жилийн өмнөөс дэмжлэг үзүүлж ирсэн бөгөөд спорт загвартай онгоцноос өөр хөлөг бүтээхэд тусалжээ.
Нисдэг машин зам дээр цагт 70 миль, агаарт 115 миль хурдтай явдгийг Стивен Москаритоло гэдэг төлөөлөгч танилцуулав. Машины банк 87 литр түлшний багтаамжтай бөгөөд нисэх үедээ цагт 18.7 литр түлш зарцуулдаг бол газраар явахдаа 70 миль газарт 7.5 литр түлш хэрэглэдэг байна.
Нисдэг машины нислэгийг энд дарж үзнэ үү.
Б.Ганаа
