Цуу яриа: Хүн болгон өдөрт 8 аяга ус уух ёстой
“8 аяга ус”-ны дүрмийг яг хэн гаргасан нь ойлгомжгүй. Мэдээж энэ бол барагцаат тоо мөн л дөө. Гэхдээ хүн бүрийн биеийн жингээс хамаараад авбал зохих шингэний хэмжээ нь өөр байдаг. Нэг стандарт дүрэм бий: Жингийнхээ талын дайтай уух. Хэрвээ чи 150 фунт (68 кг) жинтэй бол түүнийхээ тал буюу 75 oz усыг зайлшгүй уух хэрэгтэй. Энэ нь 9.3 аяга гэсэн үг юм. Тэгэхээр биеийн жин их бол уух усны хэмжээ нэмэгдэж, бага бол багасна гэсэн үг. Өдөрт авах шаардлагатай хэмжээтэйгээ дөхөх томхон усны сав аваад явчихвал хэрэглээгээ хянахад илүү хялбархан болно.
Баримт: Өрөөний температурт хадгалсан ус илүү сайн
Хүйтэн усанд хүрэхээр арьсны нүх сүвүүд агшдаг шиг, хүйтэн ус уувал дотор эрхтнүүдэд маань ч бас төстэй нөхцөл байдал үүсдэг. Усаа өрөөний температурт бүлээсгэж байгаад уугаарай.
Цуу яриа: Ус ихдэнэ гэж байдаггүй
Ус ихдэнэ гэж байдаг. Богино хугацаанд хэт их ус уувал бөөрний ачаалал хэтэрч, бүүх усыг хүлээж авч чадахгүй удааснаар цус усаар дүүрч түүн доторх давс, сод гэх мэт эрдэс бодисууд шингэрэн шээсээр алдагдах магадлалтай. Үүнийг “усны хордлого” гэж нэрлэх нь ч бий. Ерөнхийдөө хүн 1 цагт 0.8 литр усыг шингээх чадамжтай. Уухыг хүссэн ч үүнээс нэг их хэтрүүлээд хэрэггүй.
Баримт: Усыг шимж уувал ашигтай
Цангаж цангаж нэг дор ихээр нь уувал зүрхийг ачааллуулах ба биед чинь шингээж авах хангалттай хугацаа олдохгүй. Усаа өөртөө шингээж уух хэрэгтэй. Тиймээс өдөржингөө бага багаар шимж уусан нь илүү дээр. Мөн цангахаа хүлээх хэрэггүй. Учир нь цангана гэдэг нь бид биеийнхээ хэрэгцээнээс аль хэдийнэ 2 аяга усаар хоцорч байгааг илтгэнэ.
Цуу яриа: Хоол идэхийн өмнө ус уувал жингээ хасна
Хоол идэхээс хагас цагийн өмнө аяга ус уух нь хоол боловсруулах системд сайнаар нөлөөлдөг нь үнэн. Гэхдээ хоол идэх дуршлыг багасгадаг гэдэгт хэт их найдаад хэрэггүй. Ус нь ходоодыг дүүргэсэн юм шиг санагдах ч цангааг л тайлахаас өлийг дардаггүй тул хэтрүүлэн идэх магадлал байсаар байна. Харин түүний оронд усны агууламж өндөртэй, өргөст хэмх, тарвас гэх мэт жимс, хүнсний ногоог хоолноосоо урьдчилж идвэл үндсэн хоолоо бага идэх магадлал өндөр. Учир нь эдгээр хүнс нь өл, цангаа хоёрыг зэрэг тайлдаг.
