Долдугаар сарын 21-ний өдөр Налайх дүүргийн Дархан ноёны худаг хэмээх газар эхэлсэн чөлөөт нислэгийн ДАШТ ирэх бямба гаригт өндөрлөнө. ДАШТ-ийн үндсэн гурван ангилалд 36 орны 300 гаруй тамирчид өрсөлдөж байна.

ДАШТ-ий үндсэн төрөл болох F1A ангилалд 33 орны 78 тамирчин өрсөлдсөнөөс Израиль улсын тамирчин Галор Эял (Galor Eyal)2063 оноог цуглуулж, дэлхийн аварга боллоо. Манай улсаас тус ангилалд 3 тамирчин өрсөлдсөнөөс С.Төмөр шилдэг 31-т багтаж, улмаар 22-р байрт орлоо.

Өнөөдөр F1B ангилалын тэмцээн эхэллээ. Энэ ангилалд 29 орны 77 тамирчин өрсөлдөж байна. Харин маргааш F1C ангилал, нөгөөдөр чөлөөт нислэгийн холимог Миксмэн” тэмцээн болж, ДАШТ өндөрлөх юм.

Тэмцээний хуваарь:

VII.30 (Пүрэв)

F1A ангилалын финал. (Израилын тамирчин Галор Эял түрүүллээ.)
F1B ангилал

VII.31 (Баасан)

F1C ангилал

 VIII.1 (Бямба)

Чөлөөт нислэгийн холимог "Миксмэн” тэмцээн.

 VIII.2 (Ням, Цонжин болдог Чингисийн хөшөө)

Тэмцээний хаалт, шагнал гардуулах ёслолын ажиллагаа